Gusto sad unta pa-take home

Paminaw mo, mga KaBichika ug mga Okryanians!  Naa na sad mi diri gitawag og mga Kristalites, ma-take ninyo na? Pero di mi gustong motubag ug mo-publish sa among mga comments aron daghan tag ma-istoryahan about other things. Besides, kana gong ipa-publish ang mga text messages, mahimo na noon tang battleground sa mga fans, ug labaw sa tanan, kadaghanan sa libak sa mga Kristalites, gi-confine namo sa mga BISDAK ug di mi manginlabot sa mga kalihokang langyaw, although, once in a while along the way, labi na’g pakuyogon ta’s promo queen sa pagtagbo sa iyang mga artista, di jud mapugngang makahisgot ta’g mga dili ingon natong mga BISDAK, na-getch?

So, kun moanhi unya’g balik sila’s Sharon Cuneta, Makisig Morales ug uban pa para sa coming movie nilang “Caregiver” wa tay mahimo, ato jud nang hisgutan; okay lang? After all, mao man sad na’y misyon sa media, kun hain ang balita, tua jud sila.

So, dili ta maglangan, nahisgutan nato to’s Greg Lawas nga nahimong sumsuman sa katawhan dili lang sa natad sa local showbiz kun dili hasta sad sa mga friends ug mga neighbors ni Wendy Mendoza [take note, mam LL, naa na’s Greg Lawas sa inyo, ga-shooting sa [Tres Metros], hasta pa atong ga- despedida party mi atong Lunes sa gabii [April 28] didto’s Abuhan –2 , wa gihapo’y laing gihisgotan, si Greg Lawas ug ang matronang allegedly, ga-take home ni Greg.

Mao to, nga sa pag-ingon nako ni Robert Lecciones, ang kontrabida karon sa “Tres Metros” nga siya’y himoon nakong kauban sa akong number sa birthday ni Maam Rhoda Gonzales [ang boutan ug very supportive nga wife ni Jonji Gonzales sa JY Gonzales and Partners], go dayon siya; ug matud niya, suwayan sad kono niya’g duna ba’y mo-take home niya, bisa’g gipasidan-an nako siyang daan nga lahi ang crowd, kay na-intriga siya’s mga talks about Greg Lawas ug sa matronang nag-take home kono ni Greg. Pero unsay nahitabo? Wa jamo. Kay ang mga bisita nilang Jonji, mga FAITHFUL WIVES, walay desperate housewives. Ang uban, mga members intawon sa media like, Divine S. Ngujo [nga di gyod mo-perform kay di na kono niya ka level ang mga performers- CHARL], Michelle So, Roger Serna [ang host] ug uban pa. Didto sad sila’s Jonkie Ouano, Maam Lollypop Ouano Dizon ug husband Jojo Dizon among many; pero wa gyo’y nag-take home ni Robert, or way intriga [kay wa man sad si Joseph Mariblanca].  Anyway, dalaygon ang gibuhat ni Robert atong siya gyo’y nag-provide sa lungon ug nagpalubong atong bata nga nakit-ang naglutaw lutaw sa dagat sa Liloan. Mahinumduman nga dunay Funeral Parlor si Robert, ang Golden Dove diha sa Jubay, Liloan.