Beauty queens gipasipad-an!

Hugyaaaawwww! Hello sa mga palangga nako nga mga suki dinhi sa Banat Hugyaw .. it’s BisChika time again and sure gyud ko nga nagpanikad na gyud mo kung unsa nga mga Bischika ang giandam sa inyong Bischikador para kaninyo. Well, kay love mo namo dinhi sa Banat Hugyaw full packed ang nasagap sa akong radar nga gipaambit sa atong mga BisChikadora! Akoooo pa? Wala nalay kwenta ang akong pagka Diyosa! Pak! Karong higayuna galawig na ang pump boat nga muhatod namo sa Ticao, Island, Masbate para masaksihan ang labing unang Mr. and Ms. Ticao Island Tourism 2008. Happy ko kay mag-bonding mi sa atong Banat Hugyaw editor Ryan Mark. Who knows, sa maong island makit-an nako ang Adan nga makapukaw sa akong nahikatulog nga kasingkasing! Pak!

BisChika sa atong BisChikadora kay duha ka beauty queen nga gi-invite nga mag-judge og beauty contest sa kinatumyan nga bahin sa south of Cebu wala kaayo hatagi og gibug-aton sa mga organizer kay  kever ra ang nauwahi kung makaadto sila sa lugar o dili. Pila ramay BisChika nakatikang gyud ang duha ka beauty queen sa ilang kaugalingong paningkamot, pero ang Hugyaw pa nga panghitabo kay ang beauty contest nga ilang naadtoan murag kilid-kilid ra nga show. Maayo pa daw ang beauty contest sa mga barangay kay very much effort bisan gani sa host. Check! Dry season ang dating sa maong indigay; tungod kay professional ang duha ka beauty queen they stayed until nahuman ang maong show. Pero unsay nakaHugyaw pa mga suki? Ang service van nga muhatod balik sa dakbayan sa Sugbu  nawala na kay abtik kaayo ang usa ka talent scout nakabitbit sa mga kandidata nga niapil sa maong beauty contest nga mga taga Cebu pud ug kever siya sa duha ka beauty queen kung nakasakay kini or wala. Ang ending gi lenggua sila sa organizer nga mag-bus nalang sila balik sa siyudad. Hala noh? Walay dautan ang mag bus pero to think gi-invite sila, palpak toh. Maayo nalang naka decide pa ang organizer nga ihatod sila sa ilang service van.Busa mga suki it’s a lesson nga if you smell something fishy gani better nga dili nalang gyud ka mudayon. Kinsa ang mga beauty queen? Basta ang usa nila pinangga kaayo nako! Ug asa ang lugar nga naay beauty contest? Tumoy sa south! Korek! Ang naa sa imong hunahuna!

Gusto pa mo mga suki? Nia pa ang BisChika nga kataw-anan. Ang BisChika  mahitungod kini sa usa ka flower arranger nga pareha nako nga sister, nahubog ang imong ate; unsay nahitabo? Mao kini : nilugwa siya sa usa ka resort para mag chill out with his gay friends. Tungod kay friendly man siya ni join siya with his friends sa group of boys nga nag chill out pud in the same resort. Drink dire then drink didto. Sagol sagol ang giinom naay kabayo naay mga hard drinks. Ang ending? Nahubog ang maong flower arranger nga sister busa gitabangan siya pahimutang para makapahuway. Tungod kay heavy ang iyang pagkahubog ang usa niya ka friend naka hunahuna og trapo sa iyang lawas para mahuwasan. Ang drama kay gihubuan si flower arranger nga confident kaayo nga nag-panty. Sa dihang medyo okey na si flower arranger, may I eat siya og something hot like batchoy sa resort. Pwes, nilugwa siya sa nahimutangan sa mga gay friends niya nga hapit na mahuman og lafang. Sa dihang ni order na siya para iyaha diha nalang niya nakita ang Hugyaw nga eksena kay pag ukay sa something adunay nadala nga something ang tindera, usa ka panapton nga familiar niya. Unsa kini? Ang iyang panty! Yes mga suki.. hahhahahahah! Ang iyang panty naabot didto sa lutoanan sa something batchoy.. ang mga gay friends nga namiya nga perteng lafang sa something batchoy halos gusto isuka ang ilang gikaon. Pak! Kinsa si flower arranger? Tagoon nato siya sa pangalan nga Pepe Pantyhosa!

Siyempre mga suki ayaw kalimot pagtutuk karon sa Istayl Nato,10:45 sa buntag hosted by Anna Maris Igpit and Chad Burden. Ang inyong Bischikadora adunay gi-prepare nga lamian kaayo nga cookies nga angay tilawan ninyo kung makatikang ka sa kanindot sa Badian plus ang peaceful kaayo nga Badian island wala gyud namo palabya, amo kining gibisita and take note mga suki kung adunay Kawasan Falls ang Badian Island nga gipanghambog sa lugar, angay nimo bisitahon ug dapat apil sa imong listahan ang among na discover—Leloy’s Heritage Park owned by “ Gonzalo” Leloy Librando. Ug ang landscaping and maintainance courtesy of my shofa friend nga naay plano mag pictorial sa atubangan sa Capitol, si Oliver Librando Lumain. First time ninyo makit-an sa Istayl Nato ang kanindot sa maong park overlooking kini sa Badian Island, ang hangin presko kaayo; ang kabukiran, ang mga kakahuyan haom sa mga mag- emote-emote sama nako... Gani mga suki atiman kaayo ang among team from Mayor Carmencita Librando Lumain pag abot palang sa iyang mga staff nag-assist namo hilabi na sila si Blesilda Erejer ug ang mga empleyado sa Municipal Canteen nga nagpalafang namo sa lunch; pagkagabie usa ka bongga nga dinner ang ilang gi prepare para namo. Thank you nila ni tita Clarita Librando nga perteng dauta karon ( ga no rice ba kaha ni siya like Ryan Mark? ); tita Letecia Librando ug Erlinda Librando Abellana with Lola Anastacia Librando and Mr. Gonzalo Librando. Ayaw mo kahibulong mga suki ngano ga-tita ko sa mga Librando ila naman kong adopted daughter. Buot-buot gyud? Pak!  

Dili lang na mga suki inyong mahibaw-an nganong gitawag ang Naga og “Industrial City of the South?” Ug kinsa kaha ang Champion sa Energizer Race to Win, ang Team Mac o ang Team Tabi…Mga suki ari nata sa Orig nga naghatud kaninyo sa kanindot sa Sugbu ug sa mga sikbit nga lalawigan….Istayl Nato!

Ugma magsugod na og langoy ang inyong gimahal nga si Marian Rivera para sa papel nga Dyesebel. Atong kuyogan sugod ugma Lunes hangtud Biyernes sa GMA Telebabad ang kinabuhi sa usa ka sirena nga nagmahal sa usa ka taga yuta. Unsa ang kapalaran nga naghuwat sa atong bida? Basta ako  mo-congratulate ko sa tibuok pwersa sa Balitang Bisdak tungod sa bag-o nilang look sa telebisyon; laumi ninyo nga magpabilin gihapon ang Balitang Bisdak sa paghatag og Serbisyong Totoo para sa mga Sugbuanon...Proud to be Bisdak! Proud to be Kapuso!

For your violent reactions email me at [email protected] or text me sa BisChika numero 09177395098... Hugyaaaawwww!