Iwa Moto

Gipatay na  ang character ni Iwa Moto sa telefantasya nga Joaquin Bordado para maka-concentrate kini sa iyang  bag-ong role sa GMA Sine Novela nga Magdusa Ka diin modala siya isip Millet, ang papel nga orihinal nga gidala niadtong 1986 ni Pinky Amador  sa movie version niini. Makauban niya dinhi si Katrina Halili nga maoy modala nga bida maong serye isip Heroine nga gidala usab niadto ni Dina Bonnevie . Matud pa niya medyo naguol siya kay mingawon siya sa iyang mga kaubanan sa Joaquin Bordado , gani wala gayud kapugngi ang pagtulo sa iyang luha sa pag-goodbye niya niini.  Matud pa sa dalaga nga sa seryeng Kung Mahawi Man Ang Ulap niadto kay jologs nga kontrabida ang iyang gidala apan sa Magdusa Ka kay sosyal  siya nga kontrabida. Giangkon usab niya gusto niya mangayo og tips ni Ms. Pinky kay salodo siya sa acting style niini.Giklaro usab niya nga dili tinoud nga miingon siya dili angayan si Katrina sa role niini kay ang iyang giingon nga gusto usab niya masuwayan ang role ni Katrina. (Sanden J. Anadia)