The best ni Regine ipapakita

Ngayong Linggo, ini­i­mbitahan ng Asia’s Songbird Regine Ve­las­quez ang lahat ng mga nagmamahal sa kaniya, mga kaibigan at lalo na ang mga loyal fans para sa kaniyang ’di malilimutang konsi­yerto ng pasasa­lamat sa espesyal na pagdiri­wang ng kaniyang kaa­rawan, ang The Best of Me, Regine Velasquez.

Mapapanood sa Sun­day Night Box Office (SNBO) ng GMA7, Abril 27, maki­sa­ya at makikanta na sa loob ng dalawang oras sa pag­da­raos sa loob mismo ng kanyang bahay! Ang birthday special na ito ay handog ng nasabing first-rate performer sa mga wa­lang sawang su­mu­suporta sa kanya sa loob ng mahigit 20 taon.

Makakasama ni Re­gine sa nasabing birth­day special ang mga premyadong mang-aa­wit sa ating bansa tulad ng R&B royalties na sina prince Jay R at princess Kyla. Dapat ding aba­ngan ang duet nina Re­gine at ultimate singer-songwriter at sweet­heart Ogie Alcasid. Ala­min din kung sino pa ang two special guests ni Songbird bukas sa ka­ni­yang birthday concert.

Ilan sa mga aawitin ni Regine ay ang mga hit music noon at ngayon tulad ng Bubbly, Perte, Hotel California, Hindi Na Ayoko Na, at med­ley ng mga awitin ni Claire Marlo at The Best of Me. Kakantahin din ni Regine sa kauna-unahang pagkakataon ang awiting Babae na siyang theme song ng Pinoy-animated movie na Urduja.

Huwag palagpasin ang espesyal na kon­syerto, ang The Best of Me, Regine Velasquez sa SNBO, pagkatapos ng Ful Haus sa GMA 7.