Dream house ni Gerald, hugyaw!

Hugyaw ang bag-ong balay ni Gerald Anderson nga gihulagway niya nga duga sa iyang paningkamot sa showbiz. Tsika pa sa PangMasa nga nakatekang sa nahisgutang balay, (actually dream house sa young actor), tulo ka andana ang gihabugon niini. Sa first floor nahimutang ang dining room ug guest room. Sa second floor naa ang family room ug ang hugyaw niini nga bedroom. Sa third floor mao ang iyang gym, mini-bar, ug terrace. Duna poy guest room sa maong andana. Tsika hinuon sa PangMasa nga dili pa kumpleto ang maong balay, padayon pa kining gitrabaho ug gipanindotan. Aminado ang young actor nga ang dream house niya bunga gyud sa iyang kahago sa showbiz, daghang mga gabii nga iyang gipulawan ug dili na maihap nga raket. Hinoon nagkanayon ang mga himantayon nga dili kahibudngan kun makapundar og ingon niini ka hugyaw nga balay si Gerald sanglit giisip man siya karon nga usa sa mga top young actors sa kasamtangan. Sunod sunod ang  projects niya sa  ABS-CBN.

Sa Monday magsugod na ang pagpasalida sa “Maligno” nga gibitoonan ni Claudine Barreto diin usa sa cast si Gerald. Sugdan na pod nila ni Kim Chiu ang taping sa “My Girl” nga usa ka dako nga proyekto ug diin karon pa lang napanlantawan na nga mopataas og maayo sa ilang estado isip artista.