Monster Aga, mobalik

Mga yadzz! Ayaw mo’g kahibulong sa inyong nabasa nga gitawag nako’g monster si Aga; si Aga Muhlach, kinsa pa? Nganong ako ni siyang gihinganlan og monster Aga?

Kay kini man gong operator sa New Cinema Theater ug New Eden Theater ,[take note, limpyo ug bugnaw na ang duha ka mga sinehan labi na ang CR, wa na gyo’y mga foul odor, ug labaw sa tanan, malingaw ko’s ilang mga salida], nga way lain kun dili ang kontrobersyal nga si Mr. Vic Alvarez, niingon man god nga kun makahigayon siya, motambong kono siya sa umaabot nga press conference para nilang Aga ug Anne Curtis para sa movie nilang “When Love Begins” kay duna gyod kono siya’y ipangutana ni Aga. Pangutan-on kono niya si Aga kun maayo na ba kono ang ilang relasyon ug sa iyang iyaan nga si Amalia Fuentes, ug labaw sa tanan, pangutan-on niya si Aga kun unsay ikasulti niya sa giingon kaniadto ni Amalia nga, “Magiging monster itong batang ito paglaki.” Managhigala man god sila si Amalia Fuentes ug si Vic, kaniadto pa nga sikat pa kaayong artista si Amalia, ug mao pay pagsugod sugod og artista ni Aga. Karon, si Aga na sa’y sikat kaayo. Mangutana kono si Vic unsay sabot ni Aga sa gisulti ni Amalia, ang iya bang pagka sikat hangtod ron, or ang pag-away ba nilang duha nga daw hangtod ron, wa pa mahusay? Pero kamong mga fans ni Aga, mga yadzz, unsay hunahuna ninyo? Unsay bout ipasabot ni Amalia sa pulong nga monster? Tutal, naa man say gitawag og monster hit ang mga movies ni Aga, so monster actor or celebrity si Aga? Or, monster endorser kay paborito man sad siyang product endorser? Di ba mga yadzz? Naa ba’y salida si Aga nga wa mo-click? May produkto ba siyang gi-endorse nga wa mo-click? So, inigsalida sa “When Love Begins” kayo ang hahatol. Husgahi ninyo, mga yadzz!