Maging ‘Fit and Fab’

Kung titingnan, parang napakadali lang para kina Teresa Licaros at Maggie Wilson, kapwa mga beauty queens, na maging fit and fab. 

Pero ayon mismo sa kanila, hindi ito automatic lang, pinagta­tra­bahuhan ito, ’ika nga. 

Ito ang dahilan kung bakit bagay sina Teresa at Maggie para sa pina­kabagong public affairs program ng Q-11, ang FIT and FAB – isang health and well­ness magazine program para sa mga kaba­baihan na airing tuwing Miyerkules 10 p.m.

Sa bagong show na ito matututunan ng mga ka­babaihan ang mga possibilities para ma­ging fit, healthy, at fabu­lous at the same time. Holistic o pangka­buuan ang approach ng show.  

Importante rito ang pagkakaroon ng healthy outlook  bukod sa heal­thy body ayon kay Mag­gie, ang Filipino-British beauty queen, actress, VJ, at model. 

Ang mga segment na tulad ng Let’s Get Physical, Bring Out Your Fab Side, at Fit to Eat ay nais maghikayat sa mga manonood na maging adventurous.  Isang goal ng show ang women empowerment ayon kay Teresa, ang beauty queen na nagta­pos na summa cum laude sa University of the Philippines kamaka­ilan at ngayon ay isang law student.