I-uli ni Gabby

Samtang sa balita sa 24 Oras kagabii subling nangayo og pasaylo si Gabby ngadto ni Sharon kun unsa man gani ang kasakit nga gibati niini sukad niadto hangtud karon, gumikan kay wala man gyud diay makabaton og closure ang ilang relasyon. Dungan usab niini, gipamahayag sa abogado ni Gabby nga si Atty. Ed Flaminiano gipada na sa asawa sa kanhi matinee idol ang P1.75M nga downpayment sa GMA Films sa milabay nga tuig alang unta sa pelikula nga iyang himoon. Suma pa ni Flaminiano nga andam na nga iuli ni Gabby ang maong salapi nga pakapinan pa nila og interest.  Pero ang presidente sa GMA Films nga si Ms. Annette Gozon Abrogar miingon nga ila unang hunahunaon kun unsay ilang sunod nga lakang tungod kay dili mahimo nga ingon niana na lang ang buhaton diin sayon sayon ra nga iuli ang kwarta. Suma pa niya dunay kontrata nga napirmahan busa dili ingon niana kadali nga iuli na lang kun dili na ganahan. Gibutyag ni Ms. Annette nga mitawag niya si Gabby kagahapon ug managsama sila og baruganan nga dili na buot moabot pa ang isyu sa korte.