Bayad sa pag-antos kalampusan

Mga dings, mga yadzz, mga dangs, mga manash, ug uban pa, tan-awa  ug tutoki kining nawong nga ania niining hulagway karon. Wa mo magwater water sa ka gwapo? Mga Yadzz, mao ni ang boutang anak ni Wendy Mendoza nga si Joseph Mendoza, nga 19 years ago, nakita nako sa didto pa ang shop ni Wendy sa Robinson’s nga halos, dili pa gani makalakaw kay bata pa man jud, ug tingali, one year old pa to siya. Pagpangutana nako ni Wendy kun kinsa tong mga bataa [kay duha man to sila], giingnan kong Wendy “Akong mga anak, kinsa pa man diay..?” Unya, gipangutana kun kinsay inahan [kay abi nako’g nakapaanak siya, kay lalaki pa man ang hitsura ni Wendy atong panahona, pero matud pang Wendy: “ Nganong nangita ka ma’s inahang ako may inahan..?” So, nangutana na pod ko niya, “hain mang amahan ani?” Gitubag na sad kong Wendy, “Nahulog sa linaw, dayong katunaw,” nga ang bout ipasabot ni Wendy nga, parehas mi, “single and unwed mother” kay hasta ko, duna man sa’y gisagop nga bata. Ang mga single parents sama namong Wendy makasabot kun unsay gibati karon ni Wendy, karon nga, uban sa mga pangaliya, pag-antos, pagpaningkamot, gawas nga nagtubong boutan, matinahuron kining bataa [kay ang igsoon, una mang naminyo], nakalampos sa gikuha niyang kurso nga nursing, ug nakapasar pa gyod sa board exams, busa, karong gabii, diha sa grand ballroom sa Mariott Hotel, saulogon ang kadaugan sa mga pag-antos ni Wendy, uban sa mga suod nga higala ug kabanay, kapuso, kapamilya, ka-tong-its, ug mga kainom ni Joseph.

Ug gawas sa makabuhong nga pagkaon ug tagay, may kalingawan pang idalit ang ambongan usab nga si Greg Lawas, ang modelo ug artista sa “Tres Metros,” ug mga kauban. Human sa laffang to da max, tagay ug kalingawan, duna dayo’y ballroom dancing ug sa labing una konong higayon, magpakita sa ilang abilidad sa ballroom sila si Greg Lawas, Robert Lecciones, Jonjon Tariman, Wilnard Banzon, Val Relatado ug uban pa, kauban sa mga tinud-anay gyong mga DI. So, kadtong mga suod nga higala ni Wendy nga wa kapadad-I og invyt, puede gihapon mong motambong ubos sa kondisyon nga kinahanglan, made to order ang inyong mga attire gikan nilang Jed Sevilla, Harley Ruedas, Ren Manabat, Sal Malto ug uban pang mga iladong designers sa Sugbo, kay kinahanglang HOLLYWOOD ang concept, nasabtan?