Pisceans adto’s CICC magsaulog

Take note, mga Yadzz, nga karong adlawa, masaksihan ninyo ang kinadak-ang event sa history sa mga PISCEANS, kon people nga natawo sa zodiac sign nga PISCES. Pero let’s make this very very clear nga, ang mga PISCEANS,  wa magpa control sa maong sign. As a matter of fact, we [kay Piscean man sad ko, ug birthday jud nako rong adlawa- HELLO!!! Mga benefactors ug mga benefactress, basin og nalimot mo, nagpaparinig lang po ako], PISCEANS, labi nang mga PISCEANS nga sakop na sa Oasis Of Love like Dante Luzon, Jor Go, Estelito “Gardo” Maga ug uban pa, do not believe in zodiac signs. Ang amo lang, na gitawag lang gyod namo’g PISCEANS ang  among grupo nga, ma-join pagsaulog sa among birthday, not for anything else, but para maka-give mi’g ginagmay’ng mga gifts sa mga bata, and in the process, maka-discover og mga talented nga mga bata nga anak ug apo sa mga PISCEANS sama ni Aracele Bullo, PISCEAN ANGELS, ug uban pa.

Lakip pod sa mag- birthday rong adlawa mao sila si Wendell Yulo, Kathy Oyson ug uban pa. Other Pisceans include, Tina Ebrada, Jesus ‘Boy” Bosque, Philogene Florita, Allan Jayme Rabaya and a lot more. Kay kini sila, ilado man nga mga supporters sa arte, ug nasuod man sad sa pamilyang Gullas, siyempre, instead nga buhaton namo ang usual namong gihimo kaniadto, mo-support na lang jud mi sa labing dakong kalihokan karong gabii, ang KINAIYANG SUGBOANON nga anha mahitabo sa CICC kon, Cebu International Convention Center karon gyong gabii. Dili mi magsabasaba, hilom hilom lang ming mosaksi sa labing nindot, mabulokon, matulon-anon, ug makapaagay sa luha nga kalihokan, tungod kay mamalik man ang nawataswatas natong kagahapon, nga gipaninguha nga mabangon pinaagi niini, ubos sa pagpaninguha ni Sir Dodong Gullas.

Suwayan nato’g balik ang nangaging mga kagahapon sa atong katiguwangan kinsa, ang uban, nahimo pod nga tipik ug bahin sa akong nawataswatas nga kagahapon. Ang una, si anhing Menggoy Lopez, ang amahan ni anhing Adela Lopez, nga maoy nahimong una ug lawful wedded wife ni anhing Meonik Mendoza nga nahimo namong manager kaniadto sa dyLA, ug na- production manager namo sa karaang ABS-CBN [sa wa pa’y martial law]. Si anhing Adela maoy co-host ni anhing Iyo Carpo sa unang amateur hour, ang PMC AMATEUR HOUR. Si Noy Menggoy nga nagsuwat sa awit nga “Pagutlan” nalipay pagkasayod nga misuwat ko’g usa ka drama series kaniadto sa dyLA nga nag-ulohan og UTLANAN [pagutlan] SA KAGAHAPON ug ang theme song mao ang awit nga PAGUTLAN. Si Max Surban, usa sa produkto sa PMC Amateur Hour, ug mga ballads pa’y mga tirada niya atong panahona, ug nagkantahan sa Stardust, usa ka night club sa Mabolo; ug nagmugna’g mga novelty songs, pagsikat usab ni Jaime Salazar sa mga novelty songs. The rest is history. Maayong tawo si Max. Pagkamatay sa akong mama, miadto gyod siya sa amo. Nahimo siyang kontrobersyal pagdaog niya sa Metro Cebu Popular Music Festival, (kay wa makadawat ang uban nga usa ka novelty singer modaog, kay wa masayod nga kanhi, ballader siya).

Si Dr. Maningo, si-aw, pero serious sa trabaho. Amahan sa suod nakong higala, artista ug tag-iya sa Kulas T-shirts nga si Gil Maningo kinsa katapusang nakita sa “Amor Chico”. Ayaw la’g pangutan-ag unsay nahitabo ni Eda Nolan. Si Noy Cacoy Canete wa kaayo mi masuod, pero nakadayeg ko niya ug sa iyang pamilya. Mao ra na’y nahibaw-an nako, pero magkita tang tanan karong gabii sa Cebu International Convention Center.