Tivoling dyowa ng kontrobersiyal na aktres unang naangkin ng isang aktres

Nabasa ko ang blind item ni Mama Cristy Fermin tungkol sa kontrobersyal na aktres na pu­matol sa tomboy dahil sa matinding panganga­ilangan.

Kahit hindi magbigay ng clue si Mama Cristy, knows ko ang identity ng aktres na subject ng kanyang blind item.

Ano kaya ang mase-sey ng isang aktres na naging dyowa rin ng tivoli? I’m sure, tataas lang ang kanyang kilay with matching dialogue na, “Una siyang naging akin!”

Puwede rin sabihin ng aktres na tira-tirahan niya ang tivoli na pinatulan ng kontrobersyal na aktres. Well, ganyan talaga ang life. Ang sabi nga, parang gulong ang mundo. Paikut-ikot. Minsan, nasa ilalim at minsan, nasa ibabaw!

Parang kailan lang nang lait-laitin ng kontrobersyal na aktres ang tivoli. Ngayon, silang dalawa na ang nali-link sa isa’t-isa....

* * *

Nagiging daring na si Angel Locsin ‘huh! Pumayag siya na revealing swimsuit ang isuot niya para sa isang magazine pictorial at ngayon, two-piece swimsuit ang kanyang outfit sa mga eksena niya sa Lobo.

In fairness, maganda ang katawan ni Angel at agaw-pansin ang kanyang nagmumurang dibdib.

Maraming sexy star ang patataubin ni Angel kapag nagpaseksi ito sa pelikula dahil likas ang kanyang kaseksihan.

I’m sure, aabangan ng mga mhin ang pagpapaseksi ni Angel sa Lobo dahil never pa siyang napapanood sa TV ng naka-two piece swimsuit. Ibang-iba ang two-piece swimsuit sa Darna costume na ginamit niya noong Kapuso pa siya.

* * *

Congrats kay Dra. Vicki Belo dahil pormal nang bukas ang clinic niya sa Trinoma.

Dinagsa ng fans ang opening ng Belo Medical Clinic sa Trinoma noong Miyerkules.

‘Yon kasi ang bihirang pagkakataon na makita nila ng malapitan at libre ang kanilang favorite stars na endorser ng Belo Medical Clinic.

May nagkuwento sa akin na tinilian nang husto si Dingdong Dantes ng fans na natuwa nang makita siya.

Made na talaga si Dingdong, Taon niya talaga ang 2008 dahil bumongga nang husto ang kanyang career. Hindi ako magugulat kung umabot uli sa isang milyong piso ang raffle prizes niya para sa mga reporter sa darating na Pasko. Christmas ang ibig kong sabihin at hindi Easter Sunday ‘noh!

* * *

Pumatak ng Black Saturday ang showing ng Supah Papalicious ni Vhong Navarro.

Walang nerbiyos na nararamdaman si Vhong dahil nakakundisyon ang kanyang isip na lucky playdate para sa mga pelikula ng Star Cinema ang Black Saturday.

Aligaga si Vhong sa pag-iikot at pagpo-promote sa Supah Papalicious dahil bakasyon na ang karamihan sa mga tao sa susunod na linggo.

Mukhang happy and contented si Vhong kapag napapanood ko siya sa TV. Kayo na ang magkaroon ng tahimik na lovelife. Happy si Vhong sa piling ni Desiree del Valle. Ang tagal na rin ng kanilang relasyon ‘huh!