Smash sundown

Niining semanaha daghan gyud ang nahibulong sa latest nga pang hitabo sa estasyon dyWF 93.1 Smash FM. Kini tungod sa mga selection of songs nga gi play gikan sa sign on hangtud sa pag sign off. Mas gipasamot, gipahugot ug gibarugan sa Smash FM ang iyang pagka “Cebu’s Rock Fortress”.

During the early 80’s nailhan ang Smash FM nga The Only Rock Station gyud sa Sugbo. Gani misikat ang Smash Fm tungod sa iyang trademark nga Smassssshhhhhh, unya sundan dayon sa sipa ug kagis kaayo nga buak sa bildo. Gani hangtud karon panahona amo gihapon kini gipabilin kay maisip kini nga part na sa history sa Sugbo kung mag hisgot na kita FM Radio.

Nahitabo man gani nga kami ang No.1 Station during the 80’s, bisan pa’g inyo kana e pangutana sa inyong mga papa, mama,tito’s ug tita’s. Hinoon karon panahona kami mapa ubsanon nga muangkon nga wala na kami sa maong spot kung radio survey na’y hisgotan.

While most of the FM stations are claiming that they are the no.1 right now, kami sa Smash FM mas gi prioritize pa namo ang pag maintain sa among kaugalingon nga identity,trademark, and style isip The only Rock Station of Cebu; kaysa muapil pami sa layog ug bugno pinaagi sa radio survey. So what og No.1 Sila! Ang ako ra ika sulti niana, “Unya sikat namo ana?.”

Niadto miaging Lunes daghan ang nakurat ug nalipay most specially kadtong dugay nang tigpaminaw sa Smash kay mao kadto ang unang adlaw nga nadungog ang pagbalik sa famous evening program nga SMASH SUNDOWN matag alas sais sa gabii. Atong mabati sa SUNDOWN ang selection gyud sa mga kanta nga sikat, sukad pa sa una ug hangtud sa mga sikat nga kanta karon sa atong panahon. Pure Rakrakan Gyud ni Bai!

The management decided nga ibalik namo kini kay usa kini sa among mga gi han-ay nga plano nalakip na pud niana ang pag-upgrade na sa mga gadgets ug equipment aron pakusgan ang signal para muabot kini bisan asa nga bahin sa Visayas ug Mindanao.

Hapit na pud nato maila ila ang mga bag-ong tingog sa mga Dj’s nga mu anchor sa mga bag-o musolbong nga programa puhon sa Smash FM ug usa na niana ang SUNDOWN. Para sa mga fanatic Bisrockers syempre magpabilin lang gihapon ang inyong kinaham ug paborito nga programa ang BISROCKABATAAN kuyog gihapon kining inyong ubos nga igsoon sa kahanginan nga si DJ Ram every MWF sa buntag. Hasta pud ang RATED YOUTH PROGRAM sa Double D’s—-Dikoy Loco and Dj Drew— matag TTH sa buntag.