Mga bag-ong kaplag

Mga Yadzz!  Paminaw mo! Karong sunod semana, sa katapusan, mahuman na gyod ang season 3 sa “Tres Metros” busa, sa Abril puhon, bag-o na og istorya ang “Tres Metros.” Sa katapusan, matapos na gyod ang kapintas ni Boyoyoy [Jun Sarda]. Mangutana mo’g unsa unya’y mahitabo niya? Matod pa ni direk Pepe Tariman …. SECRET…

Pero ang mga diehards sa Tres Metros, meaning sa tulo ka unano nga sila si Ramil [Armand Castro], George [Allan Castro], ug Marlon [Fernan Noval], dili pod angayang maguol, kay dili mawagtang ang tulo lakip na ang ilang aging gay uncle. Pero unsa unya’y mahitabo nila, ug nilang Pakol [Diosdado Maga, Jr], ug Gardo [Estelito Maga], ug ni Che Che [Cely Halang]? That remains to be another secret sad kono, mga Yadzz, kay kinahanglang magpabiling sekreto, aron dili kono mawagtang ang inyong interes ug magsige jud kono mo’g tan-aw sa “Tres Metros.”

Si Greg? Dili sad kono mawagtang. Gani, dunay madugang nga lain pang gwapo nga matod pa’s aging gay uncle, magwater water kono siya’g makakita siyang maghukas kining tawhana, si Robert Lecciones. Kinsa si Robert Lecciones? Usa ka batan-ong gradwado sa Fine Arts, ug paghuman niya sa maong kurso sa  edad nga 19, gi-specialize niya ang tattoo ug permanent eyebrow. Unya, wa matagbaw, nagtukod og usa ka,  [hold your breath! ] funeral parlor! Iya kining gitawag og Golden Dove nga nakuha lang gyod kono niya sa ngan nga Golden Dove Awards. Kini naa karon mahimutang sa sitio Fatima sa Jubay, sa lungsod sa Liloan [a walking distance from Barufols Breach Resort ug Titay’s ] Ug wa pa gyod matagbaw, nag-artisa na sad, ug sa wa pa mag-artista, aron lang gyod seguro kono siyang madawat sa pagka artista sa CCTN,  misulod sa seminar ug nagtabang tabang sa shooting sa “Tres Metros” ug mokuyog nga magdala sa iyang sakyanan [motor or multicab, dili intawon forlorn], sa mga live variety shows sa pundok sa “Tres Metros.” Kay naning man gyod kaayo, nasiplatan gyod ni direk Pepe Tariman labi na kay giibid ibiran sa aging gay uncle, total nasayod man sad si direk nga kutob ra sad sa ibid ibid ang aging gay, ug wa na’y ikabuga, kay matod pa niya, wa na siya’y lana, kay langkay na kono siya ug angayan nang idaob sa mangga.

Unsay papel nilang Greg Lawas ug Robert Lecciones, uban sa lain pang bag-ong kaplag nga hanas kaayong mosayaw nga gihinganlan og Stanley Pepito? Atangi lang gyod kono, kay sa Abril puhon, manglugwa ang kahugyaw sa tulo nga mga ambongang magpakita sa ilang abilidad.

 Mga Yadzz, wa nako makuha ang number ni Robert, pero sila’s Greg Lawas [09052800966], Stanley Pepito [63-9104427564] ug ang among assistant director- schedule master cum cameraman rolled into one nga si Wilnard Banzon –[09164161660] Or dili ba, ang bag-o sad namong apprentice nga Production Assistant nga si James Libron [09294677750] mao na la’y pangutana labi na kon alang kini sa maayong katuyoan sama sa Variety Show, video coverage [may kaugalingon silang camera, Yadzz, dili camera sa CCTN ang ilang gamiton sa video coverage], ug uban pa.