Valerie pangitaon ang amahan sa anak

Nahugyaw ang entertainment press nga mitambong sa presscon alang sa “Supah Papalicious” sa tubag ni Valerie Concepcion unsay iyang buhaton kung dili gyud mohimo og lakang ang amahan sa iyang anak nga si Heather Fiona nga makita ang bata hangtud nga modako na lamang kini.

“Sa ngayon po kasi, ang nasa mindset ko is talagang he should make the first move o mag-effort talaga na makilala ang kanyang anak. But if kung darating po talaga ‘yung panahon na hahanapin sa akin ng anak ko ang tatay niya at wala pa rin siyang effort, siguro, I would try para at least at the end of the day, I can tell na ginawa ko lahat,” nagkanayon si Val, nga miklaro nga pag-abot sa tukmang panahon iyang itug-an ngadto ni Fiona ang tinuod nga istorya may labot sa amahan niini.

Pagkakaron matud ni Valerie wala pa mangutana ang three years old nga bata kinsa’y iyang amahan tungod kay ang giisip niini nga daddy niya mao ang papa sa actress/ TV host.

Tsika pa sa PangMasa nga sa maong presscon klaro nga blooming ang mga bida sa maong movie nga sila Val ug Vhong Navarro. Pero ilang giklaro nga dili tinuod nga sila na, nila pa happy lang gyud siguro sila sa ilang tagsa tagsa ka mga kinabuhi maong blooming silang tan-awon karong mga panahona.

Debut ni Kim, Star Magic bahala

Walay kalibutan si Kim Chiu unsay mahitabo sa debut na unya niya karong April 19, tungod kay  ang Star Magic maoy nag-asikaso ug nagplano niining maong selebrasyon.

“Tinanong po kasi nila ako kung ano ang gusto kong gawin sa birthday ko at sabi ko, hindi ko alam. Tapos, sabi ng handler ko, ‘o sige, kami na lang bahala. Umoo ka na lang nang umoo’. Kaya sila po ‘yung nag-aasikaso,” tsika pa ni Kim ngadto sa PangMasa.

Pero giklaro hinoon ni Kim nga kinahanglan nga ang iyang daddy gyud maoy iyang first dance.

Tsika pa niya wala pa siya’y mahunahunaan nga regalo nga gusto niyang madawat sa adlaw sa debut niya mismo. Pero sa nabalita na dinhi sa Banat Hugyaw kagahapon, miabot na ang advance birthday gift ni Kim—ang “ My Girl”—diin siya maoy bida niini kauban si Gerald Anderson.

“Baka po kasi walang dumating sa birthday ko,” miingon na lamang si Kim nga nagkatawa.

Pero sa milabay nga adlaw labihan nga nakahilak sa maong Sugbuanong talento dihang gipahibawo nga siya maoy bida sa nahisgutang Pinoy version sa maong Koreanovela.

Apil pud silang duha ni Gerald sa Maligno nga pagabitoonan ni Claudine Barreto.