Toni-Sam

Karon nang adlawa masuta kun nadawat na ba sa publiko nga duna nay lain laing hinigugma sila si Toni Gonzaga ug Sam Milby, kun hugopan gyud sa ilang mga fans ang ilang third movie isip loveteam,  ang “My Big Love” nga ubos sa Star Cinema, sa direksyon ni Jade Castro sa mga sinehan lukop nasud. Ang nahaunang pelikula nila ni Sam ug Toni nga puros pud post Valentine presentation, nanghawod sa box office, pero dunay kabalaka ang ilang masig ka kampo tungod kay sa milabay nga tuig nabaniog naman nga duna na silay laing minahal. Pero gipasalig nila ni Sam ug Toni sama ra og walay nabag-o sa ilang relasyon, ug nila pa sanglit third movie na nila ang “My Big Love” sinati na kaayo nila ang usag-usa ug nakatabang kini og maayo para mahimong realistic ang ilang paghatag og kinabuhi sa ilang mga characters, ug kining tanan wala makaipsot sa mga mata sa camera. First romantic comedy movie usab kini ni Kristine Hermosa.

Rustom Padilla

Dakong pangutana kinsay gipasabot ni Rustom Padilla sa script sa iyang biopic nga actor karon nga nakarelasyon niya niadto nga sa dayon niyang larga paingon sa America, mao pa lamay pagsugod og panimpad sa show biz. Suma pa sa mga himantayon nga ang maong detalye sa pelikula labot sa kinabuhi ni Rustom, mas kagubtan pa unya kaysa sa mga detalye usab sa iyang kaminyuon ngadto ni Carmina Villaroel nga apil usab sa istorya. Nasayran nga dunay himoong pelikula sa kinabuhi ni Rustom diin matud pa ang iyang pagladlad sa Pinoy Celebrity Edition patilaw lamang tungod kay mas daghan pang rebelasyon unya nga molugwa niining maong proyekto nga siya ang director ug si Jean Garcia nga iyang higala ang producer.

Carlene Aguilar

Walay pagbasul si Carlene Aguilar sa iyang pag-angkon nga duna na sila’y anak ni Dennis Trillo bisan pa man og ang obserbasyon sa mga himantayon mao nga sukad sa maong rebelasyon mikunhod ang popularidad sa actor ug naguba ang maayo niini nga imahe. Matud ni Carlene ngadto sa PEP lima ka tuig niya nga gisuportahan si Dennis ug wala gayud siya magsaba-saba, pero niya ang bata na maoy nangita og paagi nga mayagyag ang tanan. Matud pa niya dili siya maldita pero sayud siya asa siya molugar. Giklaro ni Carlene nga duna gihapon siya’y gugma ni Dennis pero dili na kini romantic level, kun dili tungod lamang kay taas usab ang higayon nga sila nagkarelasyon, dugang pa niya buot niya nga magtubo si Caliz Andreas nga makita niini nga okay ang iyang mga ginikanan.