Charlene kinabahan sa TVJ

Simula sa February 29, 7:00 p.m., mapapanood na si Charlene Gonzales bilang bagong host ng Proudly Filipina ng Q-11. Sa kanyang unang episode, na-interview nito sina Tito, Vic and Joey at ang mga babaing nasa likod ng tagumpay ng TVJ at Eat…Bulaga—sina Helen Gamboa, Pia Guanio at Eileen Macapagal at Malou Choa-Fagar ng TAPE, Inc.

Sabi ni Charlene, she waited 16 years para matupad ang dream niyang ma-interview ng kompleto ang TVJ at ang lady love ng mga ito.

“Without any offense, it’s a known fact that they are a living legend, institution na sila at medyo kinabahan ako. But they were so accommodating and I’m very happy, naging open sila sa pakikipag-usap sa akin. I can’t thank them enough,” sabi ni Charlene.

Ang concept ng show ang isa sa mga rason kung bakit tinanggap ni Charlene ang offer ng Q-11, magpi-feature ito ng inspiring stories ng mga Filipinas at bihirang dumating sa gaya niyang host ang mga ganitong tipo ng show.

Para kay Charlene, proudly Filipina ang mother niyang si Elvie Gonzales na mag-isang pinalaki sila ng kanyang kapatid, at ang manager niyang si Ethel Ramos na parang nanay na rin niya kung ituring.

Sabi rin pala ni Charlene, sa Proudly Filipina muna siya magko-concentrate at ayaw munang pag-usapan ang posibilidad na mapasama siya sa Dyesebel. Pero mapapanood siya sa Grand Coronation Night ng Bb. Pilipinas sa March 8, bilang anchor.

* * *

Medyo bothered si Isabel Oli sa nalamang muntik siyang makitaan ng panty sa rape scene niya kay Carlo Aquino sa Maging Akin Ka Lamang, pero ‘cute’ ang description niya noon. Pinag-usapan din nila ng actor na ‘wag mahiya kung kailangan siyang saktan para maging makatotohanan ang eksena.

Mahirap ang eksena at ‘di puwedeng i-rehearse, kaya ginawa nilang take one lang and obviously, nagustuhan ng viewers, dahil mataas ang rating nang ipalabas ang rape scene na ‘yun. Second rape scene na ‘yun ni Isabel, pero sa una, siya ang nang-rape kay Polo Ravales at ngayon, siya naman ang ni-rape ni Carlo.

Sa TV lang pumapayag si Isabel sa mga ganung delikadong eksena’t, hindi pa siya handang magpa-rape sa pelikula. May mga ni-reject siyang movie offers dahil sa maseselang eksena na bukod sa hindi niya kaya’y, ayaw din niyang ma-shock ang kanyang pamilya.

Inuurirat pa rin si Isabel sa naging ‘away’ daw nila ni Nadine Samonte, pero nang pinagharap sila, wala silang maayos, dahil wala raw silang away. Ang maganda kay Isabel, hangga’t hindi siya mismo ang nakakarinig na may sinasabing bad things sa kanya ang co-star, hindi siya maniniwala.