Ang “Confessional”, si Keric ug ako….

Hugyaw nga adlaw para natong tanan mga OkRyanians!

Kumusta inyong pagsaulog sa Valentine’s Day? Hay, naku! Ang tawo nga akong gipaabot nga mo-greet nako wala gyud tawon magparamdam oy; manghinaot lang ko nga wherever he (he gyud noh?) and whoever was with him that day okay siya. Dili man gyud nuon zero akong celebration kay, first and foremost gipadad-an man ko sa Psamstre Enterprises, makers of New Placenta beauty products, og cake ( thank you Victor Acosta and Melissa Clarion), and secondly may I watch man ang akong beauty sa “His Love” concert ni Gary V. sa Waterfront Lahug with my sister, so hugyaw ra siya. Pakpak! Ug sa mao nga concert tupad mi ni Keric. Remember him? Ha, ha, ha, kato gong Korean nga introducing sa most successful Cebuanovela sa ABS-CBN- Cebu, ang “Saranghe.”  Bitaw daan na ming nagkita pag-presscon pa ni Gary V. pero wala mi magkaistorya og dugay kay I was in a hurry gani, kay nakoy curfew. Tsar! So mao to, tupad mi, and I could feel his heat ha, ha, ha, ha. Bitaw may I asked him if nag-enjoy ba siya sa concert, kay ako na-inspire gyud ang akong beauty. Gary V. is still the one and only Gary V.—world class! Ug mitubag ang Keric og “yes,” kay magtan-awan siya ni Gary V. sa ASAP ’08 every Sunday kadtong dinhi pa siya sa Cebu. Mopakpak pa gyud ang Keric, every now and then, meaning na-enjoy gyud siya.  So wala nako magsamoksamok niya og maayo kay concert baya to, after all magkita pa mi the next day sa presscon sa “Confessional,” grand prize winner sa Cinema One Originals 2007, nga nangharos og seven major awards.

Confessional garbo sa Sugbu

Pwes, sa kadugay og pinaabot isalida na gayud dinhi sa Sugbu ang Confessional nga mugna og mga Sugbuanon dinhi sa Sugbo. During the Sinulog pa ni gidungog nga isalida dinhi, pero matud pa sa director nga si Jerrold Tarog, nga nagpunay og balik balik sa stage atol sa awards night sanglit siya ra man ang ngalan likod sa Best Picture, Best Director (co-director niya si Ruel Dahis Antipuesto), Best Screenplay, Best Sound ug Best Editing, duna pa sila’y gimbuhaton sa Manila busa karon na gyud ning February 29, ipasundayag diha sa SM Cinema 1, 7 and 9 p.m , ang screening time ug tag-P100 ang ticket. Afford ra for a quality movie like Confessional, di ba? So, see yah!

Ang kanhi director sa Buena Mano nga si Publio Brioness III milangkat og Best Supporting Actor award para ani nga obra. Sa presscon, nasayran nga unom ka buwan nga nag-istar si Jerrold dinhi sa Sugbo, makasabot siya og Bisaya kay ang iyang lolo diay taga Cebu. Nabutyag pod nga sila si Jerrold ug Ruel mga mananaug sa Sinulog Documentary contest busa usa ni sa naghatag nila og rason nganong nahimugso ang Confessional, sanglit gigamit nila ang mga footages nga ilang nakuha sa nakalabay nga mga Sinulog festival. Tsika pa ni Jerrold ngadto sa E-Group nga gibutangan nalang nila og character sa kurakot nga mayor (Publio) aron dunay social commentary angle. Pero giklaro niya nga observations ra niya sa mga nanghitabo sa atong katilingban ang ilang gisukip, igo ra kini nilang gipakita ug kitang mga viewers maoy magbuot kun hangpon ba nato kini o isalikway. Pwes, go, watch and be heard!

Dili na lang ko magdaghan  og yawyaw pa. Kun dili pa igo ang pagpangharos nila og seven major awards plus Special Award from Star Cinema, ambot unsa na lang kahay barometro sa usa de kalidad nga pelikula? Ang labing hugyaw sa tanan, tekangkang ang gikatigi sa ‘Confessional” nga entries sa mga ilado na nga mga directors sa Manila. O di, ba masipang pakpak?! Go, go, go!

Keric in Korea

Pwes, human sa presscon may I talk to Keric na gyud dayon. Kusog kaayo manungog ang mga taga ABS-CBN oy, ilabi na ning ginganlan og Trixie Tolentino, DJ Pamela ug Charles Bayalas. Kaila ka’g nag-blush matud pa ang akong beauty kay giagbayan kong Keric pagpa-picture namo? Pak! Anyway, ingon siya mibalik siya sa Cebu kay gimingaw siya sa mga tawo, lahi ra matud pa sa ilaha sa Korea kay walay pakialam ang mga tawo didto. Dinhi niya pa, “people are very kind to me.” Angkon pa niya, “I was homesick in Korea, I was lonely.”  Matud ni Keric, pag-abot niya sa Korea, gidasig siya sa iyang mga higala aron mo-audition sa mga nagkadaiyang TV shows para mapadayon ang iyang pag-artista nga nasugdan na niya dinhi sa Sugbo. Wala pay resulta niya pa, pero priority niya ang iyang Maritime studies, plus kinahanglan niya nga mopailawom og duha ka tuig nga military training sanglit compulsory sa ilang nasud.  And day, wala pay uyab hangtud karon si Keric. Akong gikomedyahan nganong mangita pa man siya nga naa naman ko, mikatawa man to nawa ang mata. Pak! Bitaw akong gipangutana si Ms. Merle, Executive Producer sa Saranghe kun wala na ba’y part two ang maong serye, kay daghan ang nakuwangan, usa nako. Mikatawa ra pod si Ms. Merle ha, pero miingon siya nga bisan pa’g buot nilang sumpayan dili pa pwede karon kay duha ra man ka semana ang pag-istar ni Keric dinhi, mipauli na gani siya last Monday. But don’t worry kay mobalik to siya karong December. Anyway, while nagsige ko og kulit ni Ms. Merle, mihirit si Keric nga sa part two kami na lang maoy bida unya ang title niya pa would be, “You and Me, lovers in Cebu,” nga iyang gi-translate og “Ako ug Ikaw, lovers in Cebu.” Kilig noh? Hugyaw! Daan pa lagi gyud  ko nainlove na to si Keric na ko! Pak! Assuming ra? Dah uroy ratch ra gud! Pakpak!

Seriously, buotan gyud tong bataa at 21-years old. Nag-lenggua ra ba to siya og “I don’t like sexy” dihang akong gipangutana unsay iyang ganahan nga ma-uyab. Ingon siya “I like pretty and cute.” Was he referring to me? Pak! Ang maglagot pildi, ilabi na if you are taking me seriously. Ako ra gud mong gilingaw lingaw mga OkRyanian’s ilabi na nga naggubot na pud ta tungod anang eskandalosong ZTE deal. So have a break….have a bit of OkRyan, your column, our column in this wonderful world! Pakpak para natong tanan mga OkRyanians, ug bisan kadtong mga anti-OkRyanians, pakpak pa rin. Kay if you don’t like me, inyo na nang problema. Malinis ang konsensya ko. Dili na ratch! Pak. Bitaw, guest si Keric sa Kapamilya, Winner Ka 11.am karong Sabado.

Babu na for now mga OkRyanians, pero magdungog gihapon ta oy, OkRyan sa dyLA 909khz, Mondays to Fridays, 3-4pm. Of course text me, reach me at 09295886046. Include your name and address, no name no address…kamo nay human! Pak. Mhaah!

Charlene Gonzales

Giklaro ni Charlene Gonzales nga nananghid siya og tarong sa ABS-CBN una pa niya gidawat ang hosting job para sa “Proudly Filipina” sa QTV 11, sister company sa GMA-7. Si Charlene na maoy bag-ong host sa show sugod karong February 29, tungod kay midesisyon si Daphne Osena nga mogahin og igong panahon sa iyang pamilya. Matud ni Charlene nga positibo ang desisyon sa ABS-CBN alang niya sanglit maayo nga show ang Proudly Filipina ug makatabang kini sa iyang paglambo. Malaumon usab si Charlene nga matapos na ang network war alang sa kaayohan sa industriya ug mga artista. “Sana wala na talaga [ang network war]. As an artist, I think it hampered us kasi mas lalong lumiliit ang mundo namin, di ba? Ang pangarap ko lang talaga is magsama-sama na lang lahat para mas lalong mapaganda ang industriya natin at para mas lalong tumagal,” nagkanayon si Charlene kagahapon atol sa presscon nga gipahigayon sa Dusit Hotel sa Makati.

Diether Ocampo

Gi-question ni Diether Ocampo ang labing uwahing pamahayag ni Oyo Boy Sotto nga andam siya nga magpaabot ni Kristine Hermosa tungod kay “ unconditional love” ang iyang pagbati ngadto sa aktres. Matud ni Diether nga naglibog siya ni Oyo tungod kay ang palakaw niini managhigala lamang sila ni Tintin unya karon medyo niliko na ang anak nila ni Vic Sotto ug Dina Bonnevie. Pero matud ni Diether, dili siya makigkita ug makigsulti ni Oyo tungod kay wala siya’y sala niini. Samtang matud pa niya walay makapuli ni Kristine sa iyang kasingkasing, aminado siya nga wala siya’y mahimo kun dili na siya padayon sa aktres og balik tungod kay si Oyo na unya ang ihulip.

Jake Cuenca

Hugtanong gisalikway ni Jake Cuenca ang tsismis nga labihan niyang huboga atol sa usa  ka event hinungdan nga na-take home siya og usa ka rich gay. Matud ni Jake hagbay na siya nga walay laag-laag tungod sa taping niya sa Palos, gawas pa kun moinom man siya dili siya maghubog tungod kay buot niyang panalipdan ang iyang pagka role model. Samtang niya, dili siya kinahanglan nga mokuyog og bayot  aron makasapi tungod kay daghan siya og trabaho, gawas pa nga dili siya komportable nga makig game kauban ang rich gay. Giklaro niya nga taas ang iyang respeto para sa mga bayot pero nungka nga ibaligya niya ang iyang lawas aron lamang makakwarta og dako.

Erik Santos

Giklaro ni Erik Santos nga dili gimik ang ilang hinilakay ug gaksanay ni Rufa Mae atol sa Ol4Luv  concert. Mitumaw ang maong komento tungod kay human sa maong eksena sa Araneta Coliseum adtong February 13, nakit-an si Rufa Mae nga dunay ka-date nga foreigner. Matud ni Erik nga bisan pa man og kaniadto pa gihukman na sila nga gimik ra ang ilang relasyon, ang tinuod niya pa mao nga nagpabilin silang suod nga managhigala ni Rufa Mae. Miingon si Erik nga dili pa uyab ni Rufa Mae ang maong foreigner, pero kun mao man gani kini ang mahitabo dili siya mobabag sa ikalipay sa dalaga. Dungan niini, wala na makugang si Erik sa rebelasyon ni Robin Padilla sa Showbiz Central adtong Domingo tungod kay gisultihan na siya ni Rufa Mae kalabot niini, sama nga nasayud na siyang daan sa mga giyagyag sa dalaga sa Yes! Magazine March 2008 issue.

Bong Revilla

Gibasura ni Senator Bong Revilla ang mga pagduda nga gitakda siya nga mopailawom og heart bypass. Giklaro niya nga tinuod nga last week pa nakabatyag na siya og chest pains apan wala ra niya kini tagda kay nawala ra man. Apan niadtong Sabado mibalik na usab ang kasakit sa iyang dughan hinungdan nga nagpa-check up siya sa Asian Hospital. Human sa angiogram, giingnan siya sa doctor nga walay angay ikabalaka og stress lamang ang iyang gibati gumikan sa grabeng kakapoy. Gitambagan usab siya sa doctor nga dili magpalabi og workout.

Polo Ravales

Gitin-aw ni Polo Ravales nga group date ang nahitabo nila ni Niña Jose ug walay basehan ang intriga nga nanguyab siya sa maong kanhi PBB teen housemate. Matud ni Polo, gikan silang duha ni Nina sa ilang dance rehearsal alang sa umaabot nilang show ug tungod kay pareho silang duha nga walay Valentine date nakahukom sila nga mag-dinner kauban ang grupo. Gitino usab niya nga miapas si Jean Garcia nila, ug giklaro niya nga wala silay relasyon sa beteranang aktres, dugay na silang suod nga managhigala. Gani miingon pa siya nga kun maminyo na siya si Jean maoy iyang himoong Ninang.