KC aktres na!

Bug-at matud pa sa beteranang kolumnista sa PangMasa Manay Cristy Fermin ang iya responsibilidad niadtong Biyernes sa gabii, tungod kay kinahanglan gyud niyang tutukan ang Maalaala Mo Kaya para mapamatud-an kung aktres na ba gyud si KC Concepcion, pero kinahanglang dili pod niya biyaan ang Kitty Girls nga gikuha alang sa usa ka post-Valentine concert sa Metro Bar.

Malampuson siya, niya pa.

Obserbasyon ni Manay Cristy direkta ug adunay konbiksiyon para matawag nga aktres si KC Concepcion, sa iyang unang pagsalang sa madramang episode sa MMK kay wala gyud siya’y  nakita nga anino sa pagka bag-o pa lamang sa dalaga sa hagit sa acting.

Ug dili sa pagpanghambog, matud pa ni Manay Christy mas maayo pa si KC kaysa sa iyang inahan nga si Sharon Cuneta, sa nagsugod pa ang megastar.

Dugang pa niya, ang pagdala ni KC sa MMK sigurado gyud nga naghatag og positibong ideya sa ABS-CBN para tagaan og kaugalingong drama anthology ang dalaga, dili gyud sayang nga gastuhan kini, kay matud pa ni Manay Christy, “totoong-totoo ang kasabihan na madaling husgahan kung meron o walang talento ang isang baguhan”.

Puno pa ni Manay Christy nga natural ra kaayong moarte si KC, sakto ang mga pagdayeg kaniya ni Direk Jerry Sineneng, ug “nakahukay na naman ng mina ng ginto ang industriya ng pelikula at telebisyon kay KC Concepcion.”

Ni Manay pa, dili gyud makalimtan ang gipakita ni KC nga pag-arte dihang namatay na ang iyang amahan (si Ricky Davao ang midala), dali rang mohilak, pero niya pa lisod mohilak nga mamahimong murag tinuod ang emosyon nga imong ipakita sa publiko.

“Pinaluha ni KC ang buong bayan sa eksenang yun, mararamdaman mo na lang na nakasalin na sa iyo ang nararamdaman niya, lalo na dun sa mga eksenang kinakaya niyang yakapin ang hindi niya nakasanayang kahirapan pero kailangan niyang tanggapin ang biglaang paghihirap ng kanyang pamilya”.

“Kundi aktres ang salitang maikakabit namin ngayon kay KC dahil sa aming napanood ay hindi na namin alam kung ano. Kapansin-pansin din na habang pinanonood mo siya ay bumabalik-balik sa isip mo ang eksaktong itsura ng kanyang amang si Gabby Concepcion” hulagway pa ni Manay Cristy.

“Para silang pinagbiyak na bunga, plakadong-plakado ang kanilang itsura, lalabas na pinakasinungaling na tao sa buong mundo si Gabby kung naisipan nitong idenay noon ang pagiging ama kay KC” panapos ni Manay Cristy.

Hugyaw gyud ang KG!

Rebelasyon usab ang Kitty Girls, sama ni KC. Kini matud sa beteranang si Manay Cristy Fermin sa PangMasa.

Nagtuo siya nga maayo ra ang Kitty Girls sa pagsayaw ug pagkanta nga murag nangdani og mga lalaki, ang pagsul-ob og mga seksing sinena para makuha nila ang atensiyon sa publiko,  pero giangkon ni Manay Cristy nga sayop siya.

Niya pa kinahanglan pa gyud nga tutukan ang usa ka talento para makilatis ang iyang ikabuga, ug sa maong aspeto, ikapanghambog niya pa, ang sexy ug maanyag nga “alaga” ni Joji Dingcong nga silang Ayanna, Jocelyn, Veronica, Nicole ug Tanya sa Kitty Girls.

Suma pa ni Manay, dungan kaayo silang mosayaw, wala gyud sila nagnilupigay ug makita gyud nimo nga wala poy mosapaw ni usa sa kanila. Dugang pa niya, gipataas sa Kitty Girls ang estado sa mga all-female group, di lang basta pag-engganyo sa mga lalaking audience ang ilang nahibaw-an, hasta babaye malingaw pod sa ilang performance.

Dunay mga dugong langyaw ang mga miyembro sa grupo pero matud ni Manay Cristy Pinoy na Pinoy ang ilang batasan, nagtangag sila karun sa yawe para lingawon ang ilang mga audience, dili sila puol ug dili pod sila makaduka kung tan-awon. Babies galore sa show biz

Tataw nga adunay baby boom karong tuiga sa showbiz tungod sa kadaghang artistang buntis ug nanganak. Una na sa listahan sila  Camille Pratts ug Eda Nolan samtang kasamtangang buntis silang Gladys Reyes, Jennylyn Mercado, Danica Sotto ug Vicky Morales.

Tsika sa PangMasa, four months pregnant na si Gladys, ikaduha na kini nila sa banang si Christopher Roxas. Lalaki ang kamaguwangan nila, si Christophe nga two years old na ug  naglaum sila nga babaye na pod musunod.

Upat na pod ka buwang mabdos   si Danica sa unang baby nila sa banang si Marc Pingris ug gibalitang naglisud siya sa iyang pagsabak.. Gusto sa magtiayon nga baby boy ang ilang unang anak.

Kontrobersyal ang pagmabdos ni Jennlyn nga tulo na ka buwan ang tiyan, tungod lagi kay  kalit-kalit lang kini ug dili pa sila kasado sa boyfriend nga si Patrick Garcia nga mao po’y amahan sa iyang gidala.

Sa mga nahisgutang mga pregnant women, si Jen ang labing daghan og issues.

Kaluha ang gisabak sa five months preggy nga si Vicky Morales. Daghan ang nalipay para  ni Vicky ug sa bana niyang si King Reyno tungod kay sa ka dugay nila og paabot nga makabaton na og anak, kaluha gyud dayon ang gihatag sa Ginoo.

Love month sa “Sharon”

Guests karong gabii silang Carlene Aguilar, Nyoy Volante, Smokey Manaloto ug Marjorie Barretto sa “ Sharon ”.

Ang topic kay kabahin sa mga nagmahal ug napasakitan tungod kay love month maong klaro kaayong tutukan gyud ang isulti ni Carlene sa update o bisan unsang rebelasyon sa relasyon nila ni Dennis Trillo, iyang ex-boyfriend ug amahan sa iyang anak nga si Calyx Andreas.

Aduna pod unyay makat-unan ang mga viewers nga naa sa parehong sitwasyon sa mga guests nga mo-share sa ilang mga masulob-on ug mga malipayong kaagi sa gugma….  - Marigold P. Lebumfacil