Eda Nolan

Pwes, kumpirmado ang nasagap nga balita sa Banat Hugyaw sa milabay nga tuig nga gipagawas dinhi isip blind item. May kalabutan kini sa usa ka young star nga paingon na nga musulbong ang career apan kinahanglan nga mag-good bye tungod kay napamabdosan og young star nga produkto sa usa ka reality show. Pwes, karon mahimo na gyud nga nganlan tungod kay base sa taho sa PEP kagahapon gihimugso na ni Eda Nolan ang iyang gisabak nga batang lalake adtong February 8. Si Gian Carlos, produkto sa Starstruck sa GMA-7 maoy amahan, ug karon nagtipon na sila og balay. Si Eda Nolan, kanhi nakontrobersyal human siya matud pa nakahubo sa iyang tube dihang misayaw sa Wowowee niadto kauban sila si Kim Chui ug Gerald Anderson. Siya maoy bida sa sikat nga Cebuanovela, AmorChico, pares ni Charles Christianson.

Toni Gonzaga

Dili gyud musugot ang daddy Carlito ni Toni Gonzaga nga maglain og puyo. Tsika pa niini, hagbay ra nga nagpadungogdungog si Toni nga duna siya’y nagustuhan nga condo unit, pero wala gyud mutugot ang iyang amahan. Gani miingon man ang iyang daddy nga kun karon subli nga mohangyo si Toni nga maglain og puyo, dili gihapon kini niya tugtan tungod kay niya pa dili maayo nga tan-awon o hunahunaon nga maglain ang ilang anak. Dihang gipangayuan og reaksyon sa plano ni Toni nga magminyo na sila ni direk Paul Soriano three years from now, tubag niini gipugos niya ang iyang kaugalingon nga ma-ready kalabot sa pagpakasal sa iyang kamaguwangan nga anak. Sanglit 24-anyos naman si Toni, miingon si daddy Carlito nga kun momabdos man gani si Toni nga wala pay kasal, makugang ug masuko siya pero dili na siya manghilabot sanglit responsabli na ang iyang anak.

Jennylyn Mercado

Andam modugang og bayad ang Forward Films kang Jennylyn Mercado aron lamang masiguro nila nga i-promote niini ang iyang movie nga “Half Blood Samurai” kauban si Jacky Woo. Kahinumduman nga wala mutunga si Jennylyn sa unang presscon bisan pa man og dunay kontrata nga gipirmahan aron siya mo-promote busa nahadlok ang producer nga samot nang dili molugwa ang mabdos nga young actress karon nga walay pinirmahan. February 20, mobalik dinhi sa nasud si Jacky kauban ang producer nga  Sonny Maculada kasamtangang tua pa sa Japan. Inig balik nila, full blast na ang promo para sa movie sanglit first week of March ang playdate niini. Samtang daan na nga nagplano ang Forward Films nga mohimo og follow-up project, si Jen unta gihapon ang ilang nahunahunaan, apan nausab na karon ang ilang hukom tungod kay naa ra nila ni Nadine Samonte ug Yasmien Kurdi ang magbida sa maong proyekto. Apil usab niini si Polo Ravales, diin dunay pipila ka eksena nga sa Japan himoon.

Rufa Mae Quinto

Tungod sa emosyonal nga pagkanta ni Erik Santos sa : If Ever Your In My Arms Again” hingpit na nga miangkon si Rufa Mae Quinto nga ang mga intriga nga gibato ngadto sa ilang relasyon niadto maoy hinungdan nganong nagbuwag sila sa nahisgutan nga singer. Suma pa ni Rufa Mae nga tungod daghan kaayo ang miatake sa ilang relasyon, nahukman na lamang nilang magbuwag. Pwes, niya pa kun dunay angay magyawyaw kalabot sa iyang mga rebelasyon sa Yes! Magazine, kana walay lain kundili si Erik tungod sa kasakit nga nahiaguman niini sa ilang relasyon niadto. Kahinumduman nga nabalita dinhi sa Banat Hugyaw kagahapon nga naghinilakay si Erik ug Rufa sa “Ol4luv “concert nila ni Erik, Christian Bautista, Sarah Geronimo ug Rachelle Ann Go sa Araneta Coliseum adtong Miyerkules.

Nakalimot sa lyrics, gipakpakan gihapon

Makapahinuklog ang concert ni Connie Francis sa Araneta Coliseum, adtong Feb. 14 sa gabii

Matud pa, maayo na lamang kay si Willie Nepomuceno ang front act, busa dunay pakatawa sa wala pa pormal nga mosulod ang singing idol of the ‘60s.

Sa opening spiel pa lang ni Connie, matud pa sa PangMasa nga nadungog na nga basag ang iyang tingog. Nagtuo ang pipila sa mga mitan-aw nga guba ang sound system. Dili man gud hapit matud pa masabtan ang tingog sa nahisgutang American artist. Dihang padayon na siyang mikanta, nagkaklaro na gyud nga medyo natay-an na ang iyang tingog. Pero lanog gihapon nga pakpak ang nadungog sa palibot isip pagdasig ni Connie nga  mopadayon hangtud nga mahuman ang maong concert.

Padayon siyang mikanta—Who’s Sorry now, I’ll Follow The boys, When The Boy In  Your Arms. Inanay nga milutaw ang nindot niyang tingog, apan matud pa dili na gayud niini maabot ang tag-as nga tono, dili na mahimo nga mobirit si Connie.

Sa wala pa niya kantaha ang High Noon, naglenggua siya nga sa Pilipinas lamang misikat ang maong kanta.

Matag karon og unya, mopaambit si Connie og mga importanteng detalye sa iyang kinabuhi. Pero bisag daklit lang, wala niya hisguti ang makapahugno nga nahitabo niya, dihang gilugos siya niadtong 60 years old na siya. Ten years ago na ang milabay human sa maong hitabo.

Pero bisan sa maong masakit nga kasinatian diin taudtaud siya nga na-ospital, nakabarug gikan sa pagkahugno si Connie Francis. Mibalik siya sa pagkanta, gialim ang iyang mga samad sa kagahapon sa gahom sa musika.

Suma pa sa PangMasa kapin sa 20 ka kanta ang gipaambitan ni Connie Francis adtong gabhiona nga giulohan og Greatest Hits live concert. Malampuson ang maong concert, gani duna pa may nakuwangan ug mihangyo pa og encore, hinungdan nga dugang kapin sa lima pa ang iyang gipaambitan.

Milenggua pa si Connie nga ang mga Pinoy ang usa sa mga best audiences in the world. Dugang pa niya nabatyagan niya ang mainitong paghangop ug pagsuporta sa mga Pinoy ngadto niya, ug nagpasalamat siya nga iya na kining nasinati sa wala pa siya maghunong hunong og kanta.

Tsika sa PangMasa nga sa tunga tunga sa show, nakalimot na si Connie sa lyrics sa iyang mga kanta. Hapit na siya mag-hysterical sa pag-ingon nga “I forgot the word’” ug gipahunong ang  orchestra. Sa sinugdanan mihunong tuod ang mga musicians. Dihang nakalimot na pud siya subling gipahunong ang orchestra. Pero wala na maminaw ang  conductor ug mipadayon sa pagtukar. Milagro nga kalit lamang nahinumduman ni Connie ang lyrics.

Chai Fonacier ug Joe Galeon may musical play

Nahinumdum gyod tingali mo ni Chai Fonacier, no? Pero kun wa jud mo mahinumdum, basi’g naagnas ba sad mo, or na-amnesia or perhaps, worse, nataptan na mo’s sakit nga Alzheimer’s disease, pahinumduman ta mo. Usa ni siya sa Cebu-based nga talent nga nahimong finalist sa labing una gyod nga “Pinoy Dream Academy” along with Jay-R Siaboc ug Panky Trinidad. Nahinumdum na mo? Unya, ayaw sad ko ninyo ingna, labi na kamong mga taga University of the Visayas, nga wa sad mo makaila ni Joe Galeon, aron dili ta mo larotan sa inyong mga pinangko. Kay malooy ko ninyo kun moingon mong wa mo makaila ni Joe Galeon, kay sama ra unya mo sa usa ka tawo nga moangkon nga mobasa siya og The Freeman, unya wa makaila sa among gwapong editor in –chief nga si Jerry Tundag. Ka luoy ninyo no? Pero, kun wa jud mo makaila ni Joe Galeon, labi na intawon mong taga UV, pahinumduman ta mo nga, si Joe Galeon intawon, bisa’g taodtaod na siya sa UV, sinaligan gihapon sa UV labi na kun may kalabotan sa Culture and the Arts ang hisgutan. Pangutana sa Physical Education Department ug sa Cultural Department sa UV kun kinsa ni si Joe Galeon. Kinahanglang giraoton jud ang naa sa duha ka department kun moingon siyang wa siya makaila ni Joe Galeon.

Ug take note, sila si Chai ug Joe, dunay coming nga musical play ug anha ni ipasundayag sa SM Cinema 1 sa Marso 5, 6, 7, 8 ug 9, directed by known playwright and director Beth Mondragon. Ang ulohan sa maong musical play CALL OF GUADALUPE, nagsugilon kini sa usa ka magtiayon diin ang bana unta nga gihinganla’g Allan Adams, ma-promote unta sa iyang gitrabahoan sa usa ka dakong kompaniya [dad-on sa usa ka foreign actor nga wa pa ikabutyag], ubos sa kondisyon nga dili lang una magmabdos ang asawa [Chai Fonacier], kay ang asawa maoy ultimate socialite. Si Allan gusto kaayo sa maong promotion, pero gisuginlan siya sa iyang inahan sa sugilanon sa pag milagro sa Birhen sa Guadalupe sa Mexico diin ang emperor sa Aztec nga si Montezuma nagsugo nga ipapatay ang pipila ka katawhan aron himoong offering sa ilang pagan gods. Miabot si Hernando Cortes sa Mexico sa tuig 1523 ug napukan ang gobyerno ni Montezuma, ug human sa duha ka tuig nagpakita ang Birhen sa Guadalupe sa usa ka yanong magbabaol nga si Juan Diego [Joe Galeon] . Si Juan Diego ang gitahasan sa Birhen sa pahimoong usa ka simbahan aron maoy simbahan sa katawhan, ang matuod nga Diyos. Human sa sugilanon sa inahan ni Allan Adams, nalukmay siya ug wa na manumbaling kun ma-promote siya o dili.