Janice Jurado hindi dapat kaawaan

seen: Malaki ang bagong bahay na ipinagawa ni Sam Milby sa Pasig City. Proud si Sam  kaya kusa nitong ipinakikita sa mga kaibigan ang mga larawan ng kanyang bagong tahanan.

Scene: Tinutukan kahapon ng buong bayan ang pagpapatuloy ng imbestigasyon ng Senado kay Rodolfo Lozada, Jr. at sa mga tauhan ng gobyerno na itinatanggi ang kanyang mga kuwento. Naging katawa-tawa ang mga representative ng pamahalaan dahil sa kanilang mga paliguy-ligoy at walang katiyakan na sagot sa mga katanungan ng mga senador. Kung isang teleserye ang imbestigasyon kahapon, tatalunin nito ang mga teleserye ng GMA 7 at ABS-CBN.

 Seen: Magkasama sa Shangri-la Mall noong Linggo sina Angel Locsin at Luis Manzano. Madalas din silang makita sa iba pang mga mall. Hindi puwedeng i-deny nina Angel at Luis na malalim na ang kanilang  friendship.

Scene: Walang nakuhang simpatiya si Janice Jurado mula sa PSG (Pilipino Star Gossip Group) nang lumabas siya sa Wish Ko Lang noong Sabado. Sawa na ang PSG sa walang katapusan na paghingi ni Janice ng tulong gayung napa­kalakas pa niya para magbanat ng buto at magkaroon ng trabaho.

Seen: Masyadong seksi ang mga costume ni Iwa Moto sa Joaquin Bordado. Club dancer ang role ni Iwa sa Joaquin Bordado ngunit hindi bagay sa maagang timeslot ng programa ang kanyang mga eksena. Nanganganib na umikli ang mga eksena ng pagsasayaw ni Iwa dahil hindi ito fit na mapanood ng mga bata.