Kung Fu No. 1 nationwide!

Giklaro sa usa ka TV executive sa ABS-CBN ang tsikang dismayado si Mr. Gabby Lopez tungod kay gamay ang nakuhang rating sa mga programang Kung Fu Kids, Lobo ug Palos.  Matud pa sa maong executive ngadto sa Pilipino Star Ngayon gikataw-an lang nila ang maong balita kay imposible kini kaayo.

Matud pa niini nga bisan unsa ang gisulti sa mga detractors ni Angel sama sa nga dili mo rate og maayo ang Lobo, wa gyud kini makaapekto sa career sa dalaga, gani sa dili madugay molugwa na ang tulo ka dagkong  TVC sa leading lady ni Piolo Pascual nga seguradong ikahugyaw sa kadaghanan   tungod kay dunay bag-ong makauban ang aktres sa maong  TV ads.

Samtang, mga tinubdan sa PSN sa GMA-7 mipadala og nationwide ratings gikan niadtong  January 27 – February 02, nga nagpakita niining mosunod:  

1. Kung Fu Kids – 37.1%

2.  Lobo – 36.3 %

3.  Marimar – 32.7%

4.  TV Patrol World – 31.6%

5.  Palos – 29.3%

6.   Kamandag – 27.8%

Dihang nahibaw-an kini sa nahisgutang TV executive nga gikahinabi sa PangMasa mikatawa lamang kini dayong ingon, “Wala kaming alam d’yan  dahil hindi na kami binibigyan ng ratings ng AGB Nielsen.  Sa mga diyaryo na lang namin nababasa ang result.”

Rufa Mae nagbuot-buot!

Giangkon ni Boy Abunda nga wala nagpahibalo kaniya ang iyang alaga nga si Rufa Mae Quinto nga magpa-interview kini sa Yes Magazine hinungdan usa pud siya sa nakuratan sa dihang iya kining nabasa .

Pero wala naglagot  si Boy ug nakasabot siya kang  Rufa Mae , dili na niya sugtan nga magpainterview pa og balik ang sexy comedienne human sa live phone patch niini sa The Buzz ug Showbiz Central sa miaging Dominggo para idepensa ang kaugalingon.

Tsika sa Pilipino Star Ngayon sa gipahigayon nga Love Life album launching ni Boy under Star Records daghan ang nahibulong kung nganong sa kadaghan sa iyang mga talents sila si  Ai Ai de las Alas ug Erik Santos lang ang iyang gi-interview sa album para sa mga kantang Embracing Stuggles and Successes ug Living, Loving Life ug It’s My Turn.  “Sina Mariel (Rodriguez) at Ariel (Rivera), kakausapin ko na lang ng personal, ha, ha, ha,” nagkatawang lenggua sa TV host .

Anyway, gikulbaan si Boy sa bag-o niyang career kay basin dili dawaton sa mga tawo ang iyang  Love Life album sama  sa pagdawat kang Kris Aquino.

Lobo way pondong eksena

Parehong dili makasaulog og Valentine’s Day sila si Angel Locsin ug Piolo Pascual tungod kay aduna silay taping sa Lobo sa nahisgutang adlaw (February 14).Kinahanglan nga todo ang ilang effort ni Angel ug Piolo sa taping gumikan kay gamay pa ang ilang napundo nga mga eksena, tungod kay kutitihan  ang direktor niini  laikip na ang kinatibuk-an nga production team.

“Isang eksena lang, ang tagal kinukunan dahil paulit-ulit at pinapaganda po kasi talaga, kaya sa totoo lang, wala po kaming masyadong naite-tape,” butyag pa ni Piolo ngadto sa PangMasa.

Matud pa nga sulit ang tanang nilang kakapoy kay nindot man ang nadawat nila nga mga feedback  sa Lobo. Sa laing bahin, daghn ang nagutana kabahin sa mga estorya nga falling out  na ni Angel sa  iyang manager nga si Becky Aguila.

Lain-lain ang nanggawas nga mga estorya kabahin niini ug wala mahibaw-I kung diin gikan ang maong estorya. Tungod sa kadaghang mga taho kabahin niini gikatakda nga mopagawas og official statement si Angel ug Becky apan wala pa nahibaw-i kung kanus-a.

Jennylyn balik teleserye, kevs og mabdos

Seguradung mahimout ang mga fans ni Jennylyn Mercado tungod kay hapit na nila makit-an sa usa ka teleserye ang ilang idolo.

Tsika sa PangMasa gikatakda nga himoun  ni Jen ang  “Kaputol ng Isang Awit”  sa GMA-7 diin si  Glaiza de Castro ang gikatahong bida niini. Okay lang ni Jen nga suportahan si Glaiza tungod kay nindot ug challenging ang iyang role, aside from the fact nga kahibalo siya nga dili na siya puwedeng magbida tungod sa iyang kahimtang.

Dili maproblema ang aktres sa pag-portray sa iyang role kay dili man siya tagaan og mga lisod nga eksena aron dili maapektuhan ang gisabak niini.

Excited  na si Jen sa maong serye  tungod kay gusto niya magmalipayon ang iyang mga fans nga loyal kaayo niya ug aron duna pud siyay buhaton samtang gamay pa ang iyang tiyan. Duha lang ka bulan lang makita si Jen sa  nahisgutang serye ug sakto lang nga five months na iyang tiyan sa maong panahon.

Human unya sa pagpanganak maoy asikasohon ni Jen  ang launching sa iyang third album. 

Oyo napungot sa fans ni Kristine

Napungot matud pa si Oyo Boy Sotto sa nanggawas nga mga taho nga wala siya mauyoni sa mga fans nila ni Kristine Hermosa ug TJ Trinadad sa Prinsesa ng Banyera. 

Nadunggan nga ni lenggua si Oyo atol sa taping sa Prinsesa Ng Banyera nga, “Pakialam ko sa  kanila, ako naman ang gusto ni Kristine?”

Daghan ang nadawat nga mga e-mails ang nadawat gikan sa mga fans sa aktres nga dili sila ganahan ni Oyo ug si TJ Trinidad ang ilang gusto o mobalik na lang ni Diether Ocampo kung sa anak lang ni Vic Sotto siya mahulo.

Marian magpanikod na’g sagpa ni Katrina

Karon nga wala na ang tension  nila ni Marian Rivera ug Katrina Halili,  mas gilisuran na karon ang Pinay Marimar sa higayon nga ka-eksena niini si Angelika, ilabi na kun bug-noay ang pangayoon sa script.

“Noon kasi, kapag sinabing may eksenang mag-aaway kami, tuturuan lang kami ng routine tapos gagawin na namin. Hindi talaga kami nag-uusap kasi during those times kaya hindi ko alam kung nasasaktan ba siya o hindi,” tug-an ni Marian ngadto sa PangMasa.

“Ngayon at okey na kami, tinatanong ko na siya ngayon kung okey bang sa batok ko siya hawakan or kung puwede ko ba siyang hilahin sa lugar na ito. May communication na kami ngayon talaga.”

‘Gano’n din siya sa akin. May paalamanan kami. Kaya siguro na-build up ang tension sa amin sa set is because wala kaming communication. So nagsasakitan kami physically at nakakadagdag iyon sa tension.” (Sanden J. Anadia)