Managsoong Kel & Ken Silva sa bandang Avlish
Kalma ra kaayo nga nisulod sa “Bisrock Scene” ang bandang Avlish, gani wala namatikdi dayon ang ilang pagpanglipang kuyog sa mga nahaunang mga banda, apan dungan-dungan ra sila nga nagsugod sa ilang karera isip usa sa mga banggiitan tungod sa ilang unang kompo nga ni rock ug ni hit sa mga tigpaminawan og Smash FM nga mao ang “Hagit” niadtong 2006, diin dili pa tantong lawom ang paglayat ug nga linghod pa ang maong phenomenal sa Bisaya rock. Ang makahuluganong chorus aning kantaha naghisgot og pagdasig sa batan-ong pundok nga magmalig-on para sa maayong kaugmaon, “Bangon Sugbu, singgit kabataan, ikaw ang nagdala sa atong kauswagan… Bangon Sugbu, singgit kabatan-onan, hagiton ta ang ugma sa atong panaghiusa.”
Luyo sa dili basta-bastang achievements sa Avlish, misamot ang maayong tinagdanay sa managsuong bokalista ug drummer aning bandaha. Lagyo man ang ilang age-gap, nagpabilin nga masinabtanon sa usag-usa ang managsoon nga naghatod kanila sa maayong pwesto sa natad sa pagka musikero.
Ang managsoon mao si Quiel “Kel” Silva (vocals/guitars) ug si Ken (drums). Natawo si Kel niadtong Hulyo 8, 1982, siya ang kinamagwangan sa
Si Kel anaa nagtrabaho sa Balamban Construction ug diin naa siya nahimutang sa Knight’s Cafè sa entertainment section. Siya ang nagduma sa mga tukar ug mga kalingawan sa nahisgutang establisyemento. Kani si Ken, naa pa sa iyang 2nd year college sa kurso nga Information Technology diha sa
Naghisgot nga sa gagmay pa sila, malingaw kaayo silang magtabanog sa ilang bakante, “ug sauna sad, manghuwam sad mi og pasol sa among silingan kay sadya pud kaayo mi nga mamasol sa daplin sa bay-bay”, dugang pa ni Kel.
Sa nag-edad palang og 14 anyos si Kel, diha na niya gisugdan ang iyang pagka-adik sa gitara ug pagdakol-dakol sa drums. Inspirasyon niya ang iyang amahan tungod kay sa batan-on pa kini, hanas pud kaayong mikupot sa nagkalain-laing instrumento sa iyang banda sauna. Wala sad palupig si Ken, kay tungod aduna silay kaugalingon drumset sa ilaha, katong nag-edad siya og 10 anyos nagsugod nasad siya og hapak-hapak niini. Gawas sa pagtudlo sa ilang amahan kanila, nakat-on ang duruha sa kinaugalingon lang nga pagpaningkamot.
Gisugdan ni Kel ang pagsulod sa banda kauban ang iyang amahan sa 18 anyos pa lang siya ug siya na ang nagsilbing drummer sa bandang ginganlan og Drain Age. Kanunay silang magtukaran sa Westside Cafè ug sa Harrison Park sa siyudad sa Sugbu nga molingaw ug mga cover songs nga gipahauman sa alternative ug old school rock nga genre. Labing payter sa tanan sa dihang silang tulo sa iyang manghud ug iyang papa nagkauban sa usa ka banda, diin si Kel na ang gitarista, ang manghud nga si Ken ang drummer nga naglakat palang ug 14 ang edad atong panahona ug bahista ang ilang amahan, kauban sa ilang ig-agaw nga maoy bokalista sa banda nga Slitrik. Apan mibiya ilang amahan ug sila nalang tulo hangtud nga natukod ang laing banda na pud sa dihang napulihan og usa ka miyembro nga ilaha rapud nga paryente, “pag-una nangita ko og lain nga makakanta sa akong mga kompo, then wala man ko’y nakit-an mao nga ako nalang ang bokalista ug gitarista sa banda”, matud pa ni Kel. Ang Silva nga apelyido ila lang gibali ug gipun-an og letrang “H” para mas hugyaw paminawon, mao na karon ang pangalan sa ilang banda, Avlish.
Ang ilang paboritong mga langyaw nga mga banda mao ang Dream Theatre ug old school like Deep Purple, Led Zeppelin, Pink Floyd, Alter Bridge, Creed, Pearl Jam ug Fuel.
Gawas sa nabuhat sa Bisrock nga nalig-on ang ilang bonding isip managsoon, misuway pud ni sila og apil sa mga di basta-bastang contests. Gani gipakita nila ang ilang abilidad niadtong Hulyo 2007 nga dunay gipahigayon nga Rock Band Contest ang Jeam Bim Ignition sa Ratsky, Ayala nga sila gayud ang milangkat sa unang ganti. Gikanta nila ang “Here Comes the Rain” nga ilaha rapud nga kompo. Ug nianang pagka Agosto, milupad sila sa
Niadto lang Disyembre 2007 kanus-a nahitabo ang labing bongga nga sale sa Converse Apparels sa SM City, duha ka managsunod nga adlaw nga mitukar ang ilang banda, aron molingaw sa mga tawo nga naghuot pagpili sa mga mahalon nga sapatos ug lain-laing parapernalya sa brand nga Converse. Garbo pud kaayo to sa managsoon ug sa ilang banda nga mahiapil atong dako nga higayon.
Mopaambit sila sa ilang dakong pasalamat sa Mayor sa Asturias nga nahimong dakong parte sa ilang pagkalig-on sa ilang banda kay didto gayod sila nabaid og maayo sa mga instrumento nga gipakupot ni Kel sa BalCon Company, ug didto na sila magpraktis ug maghimo sa ilang recording, ni Hon. Allan Adlawan, family, fansclub, Capt. Enguio (tag-iya sa gitara nga gamit ni Kel bisan asa tokar), Ink Productions, friends, bandmates – Jordan Silva (bass), Dennis Bacaron (guitar), sa Smash ni Dj Ram, Maam Eleanor, tanang bisrockers ug Cebuano bands.
Wala sila naghuna-huna sa popularity nga mahatag sa ilang gisak-an karon nga entablado isip mga musikero, ang ilaha nga ganahan sila sa ilang gipangbuhat karon, “Naa diri ang among life, ug wala mi madala sa silaw sa achievements nga among naabot, as long as makabuhat mi og music ug bisan wala’y maminaw namo, dili mi mosurrender”, sugyot ni Kel nga sa gamay pa, naglatay nang daan ang dugong musikero.
Ang ilahang album launch nga giulohan og “Call of Silence” nahitabo na pagka Nobiyembre 3, 2007 lang sa Balamban. Ang ilahang album available na sa Manu diha sa 2nd floor sa
- Latest
