Para ni Dulce, the show must go on

Before anything else, my belated CONDOLENCE ngadto sa pamilya nga Holganza labi na sa among kauban diri sa The Freeman nga si maam Rosemarie Holganza Borromeo  ug ngadto sa iyang elder brothers, Joeyboy ug Rico Rey,ug sa ilang parents, Dodong ug Mrs. Holganza, tungod sa pagtaliwan ngadto sa laing kalibutan ni sir Danny, elder brother ni sir Dodong. Ngadto pod sa pamilya ni Anggie Magbanua, ang manager ni Dulce sa Great Entertainment. Si Anggie, namatay, atol gyod sa show nilang Dulce, Pilita Corrales ug Malou Barry diha sa Cebu International Convention Center niadtong Enero 18. Hinoon, pagkadawat ni Sylvia, secretary ni Dulce sa message gikan sa Manila, wa dayon pahibaw-a si Dulce samtang nag-perform kini. Gipahibawo na lang ni Sylvia si Dulce sa dihang nahuman na ang show      

Gikatakda na nga molarga dayon si Dulce human sa show, kay may show pa pod siya sa Zambales pagkasunod gabii, pero gipangutana nako siya kun mopadayon ba gihapon siya sa show nga nasayod na man siyang namatay ang iyang manager.  “Noy Kriss, naa si Anggie sa showbiz, busa nakasabot siya sa kinabuhi sa showbiz, nga The Show Must Go On. Dili mahimo nga I-postpone, kay daghan pa man ko’g nagpaabot nga mga shows, kanus-a man I-postpone? Nagpaabot na man ang mga tawo, scheduled na ang tanan, dili na unya ganahan ang mga tawo, kay duna na sad unya sila’y laing mga appointments,” gitubag kong Dulce.

Sa pagpanggawas namo kauban si Congresswoman Nerissa Soon Ruiz, gisugat mi ni Tangub City Mayor, Jennifer Wee Tan, ang former Miss Cebu Tourism nga nagdala usab sa Sinanduloy Festival, kay human siya makasaksi sa performance ni Dulce, nakahukom gyod siya nga dad-on si Dulce sa Tangub City alang sa usa ka show karong umaabot Pebrero l6. Gani, giingnan pa ko ni Mayor Jennifer nga lahi na  kaayo ang Tangub karon kun itandi niadtong nag-show mi kauban nilang Teban ug Goliat sa panahon sa “Si Goot da Wanderpol” pila na ka tuig ang nakalabay nga dili pa syudad ang Tangub. Busa matod pa ni Mayor Jennifer, kinahanglang mokuyog ko ni Dulce sa show unya niini kun mahinayon. Tuod, nahinumdum diay ko, si anhing Danny Holganza maoy nag-manage kaniadto sa Cebu Restaurant diin una gyong nagkanta si Dulce sa Manila ug didto siya makaplagi ni anhing George Canseco ug maoy gipaawit sa theme song sa DULCE AMOR nga launching movie as adult actress ni Lorna Tolentino hinungdan nga Dulce ang nagpabiling ngan ni Dulce, sa wa pa siya moadto sa Hongkong aron awiton ang nadag-an niyang, AKO ANG NASAWI,  AKO ANG NAGWAGI.