Eksena likod sa camera !!!

MSKM Fever in Cebu

• Gibana bana nga dul-an sa 6, 000-7, 000 ka mga solid Kapamilya ang naghugop sa SM covered terminal kagahapon agig suporta sa mga bida sa Maging Sino Ka Man nga nagpahigayon og show isip kick-off sa Gre8 January 28, 2008 sa ABS-CBN karong gabii.

• Luya ang nawong ni Anne Curtis,  tataw nga wala pay pahuway pero game gihapon kaayo nga nakighugoy hugoy sa iyang mga fans. Mihiwi iyang nawong dihang gipangutana kun nag-away ba sila ni Sam Milby maong naghubag ang iyang mga mata.  Niya pa, wala lang siya’y klarong tulog.

• Buotan si Sam Milby matud pa sa banggiitang make up artist nga si Ramil Solis, walay labad ug siya ra mismo maoy mo-retouch sa iyang nawong kun makita niya nga duna pay giatiman niya ang tig- make up.

• “Cowboy” usab si Sam tungod kay siya ra maoy nagguyod sa iyang duha ka mga dagkong maleta.

• Mas gwapa si Bea Alonzo karong panahona itandi   niadtong dinhi sila ni John Lloyd Cruz aron pag-promote sa One More Chance sa milabay nga tuig. Bisan og alimoot kaayo sa palibot, presko lang gihapon ang dagway ni Bea.

• Si Jericho Rosales maoy mitekang sa Sugbu tungod kay na-ospital si John Lloyd Cruz gumikan usab sa labihan nga kakapoy. Matag commercial break, motekang ang mga artista sa stage aron paglingaw sa stage, si Echo maayo kaayo nga modala og crowd. Paborito niya nga expression ang “ pag tsure oi!”

• Dihang higayon nga nakuyawan ang make-up artist nga si Mama Ronnie Matudan tungod kay miaksyon og layat si Jericho sa railing aron mohimamat niya ang iyang mga fans nga layo layo na sa stage.

• Sa dance number nila ni Bea ug Anne, tataw nga mas daghan ang misinggit sa ngalan sa nauwahi itandi sa nahauna. Naklaro usab kini dihang misulod si Anne sa dance floor diin perteng pakpak sa iyang mga fans.

• Daghan ang nagpa-autograph ni Sam Milby, kasagaran nila nagbitbit og kopya sa album sa nahisgutang heartthrob.

• Si Anne maoy labing una nga miduol sa iyang mga fans, daling misunod si Sam niya nga misenyas nga paatrason na ang dalaga kay nagkisaw na ang ilang mga fans. Wala na makaatraka si Sam sa daghang nagpalibot na nila nga buot magpakuha og picture kauban nila.

• Pag-commercial break, gikanta ni Jericho ang theme song   sa duha niya ka teleserye—‘Makita Kang Muli ug Pangarap Na Bituin.” Ning higayona, mikanaog siya gikan sa entablado, dayong lenggua og “ maghahanap muna ako ng ibang Heart (Evangelista) kasi wala siya, nasa Your Song.” Misinggit ang mga babaye nga fans, ang uban nagpangawat kawat og hawok ingon man gakos ni Echo.

• Matud ni Mama Ramil Solis, sa backstage nagpatudlo si Echo og Bisrock song, pagtungtong niya sa entablado samtang commercial break pa mikanta siya og “ gikumot kumot sa dakog kamot:” perteng hugyaw sa mga tawo. Suma pa interesado si Jericho nga mopalit og Bisrock album kay ganahan siya sa mga kanta.

• Ang host sa Kapamilya Winner Ka nga si Kat Ross mikalit og saka sa stage samtang mikanta si Sam Milby, gipahiran niya ang singot sa nahisgutan. Nahugyaw na pud ang mga tawo. Ang iyang co-host nga si Christine Fernandez naglenggua og,” suya ko dah.”

• Mas gwapo si Echo karong mga panahona, tataw kaayo sa iyang dagway nga malipayon siya ug walay problema.

* * *

La Greta, gibasura na  ni Tony Boy?

Sumsuman karon sa showbiz circle ug bisan sa alta sociedad nga buwag na sila si Tony Boy Cojuangco ug Gretchen Barretto. Nagsugod ang tanan sa usa lang ka blind item, pero dali ra kaayo nga naila ang gipasabot niini.

Ang tsika nga migawas matud pa sa beteranang kolumnista sa PangMasa, Manay Cristy Fermin, adunay laing karelasyon karon  ang aktres, usa ka inilang tawo sa komunidad ang gituohan nga  maoy iring-iring karon sa aktres , dugang pa nga perming  makit-an ang aktres sa usa ka condo kung diin nagpuyo usab ang maong lalaki.

Pero daghan ang naglibog sa sitwasyon, tungod kay sa dihang milupad paingon sa Amerika si Tony Boy kauban niini si Gretchen, ang pangutana hinuon kun silang duha pa ba ang nagkauban sa pag-abot nila sa maong lugar.

Aminado si Manay Cristy nga dili na bag-o ang maong tsismis tungod kay sa eskandalo tali nila ni Gretchen ug John Estrada sa milaby nga tuig migawas usab ang intriga nga buwag na sila si Tony Boy ug ang aktres, samtang ang ilang anak nga si  Dominique nagpabilin sa amahan niini.

Gimik man o tinuod gayud, gipaabot nga motingog si Gretchen sa tukmang higayon aron tin-awon ang tanan.

Katambok ni Panky, depression

Grabe ka tambok karon ni Pinoy Dream Academy scholar Panky Trinidad, diin bana bana nga mitimbang kini karon og 220 pounds.

“Sobrang depressed po ako noong mga panaho na wala na kami sa Dream Big Productions plus the fact na may mga problema rin so sunud-sunod na po. Kaya wala akong ginawa kundi kumain nang kumain, panay ang pa-deliver ko, halos lahat ng promo meals, natikman ko na habang nanonood lang po ako ng TV,” tsika pa ni Panky nagdto sa PangMasa.

“Nanalangin po ako na sana pagpasok ng year 2008 ay gumanda na ang career ko at magkaroon ako ng manager na talagang tututok sa akin,” butyag pa sa rakistang produkto sa PDA.

Sa nasayran sa Banat Hugyaw, nawad-an og focus ang career ni Panky sa dihang wala sila gi-renew sa Dream Big Productions nga gidumala nila ni direk Laurenti Dyogi ug Jon Ilagan.

“Ay, hindi po, gusto ko pong i-correct ‘yan, ako po ang hindi nag-renew, hindi totoong hindi ako ni-renew,” daling sagbat ni  Panky.

“Hindi na po ako nag-renew sa Dream Big Productions kasi po hindi naman nasunod ‘yung mga ideya ko when it comes to my kind of music, e, paano po ako gaganahan no’n?  Tapos may ilang problema pa, siguro po huwag na lang nating pag-usapan, tapos na, nakapag move-on na po ako,” pasabot ni Panky nga wala na modetalye pa tungod kay matud pa niya, nakalabay na ang tanan ug naka move on na siya.

Excited siya sa umaabot nga concert ni Ronnie Liang tungod kay apil siya niini sunod buwan, sanglit pareho na sila og manager.

Alkontra sa GMA-7!

Pwes, mobukal na og maayo ang network war karong gabii sa primetime tungod kay  kung pilot telecast sa Kung Fu Kids, Lobo ug Palos sa ABS-CBN, gisiguro usab sa GMA-7 nga mga nindot nga episodes ang malantawan sa  mga viewers sa Zaido (Pulis Pangkalawakan), Kamandag, Marimar ug ang Koreanovelang Coffee Prince .

Sa Zaido, balikan ni Carmela (Diana Zubiri) si Gallian (Dennis Trillo) tungod kay kahibalo na siya nga naa sa makuyaw nga kahimtang ang kinabuhi niini.

Sa Kamandag padayon ang kumbate nila Vergel/Kamandag (Richard) ug Lucero (Mark Anthony). Karong gabii molugwa si Ragona (Sunshine Dizon) nga mubuga og kayo; kauban o kaaway kaha siya ni Kamandag?

Samtang,very emotional and passionate ang love scene nila ni Marimar ug Sergio ug seguradong daghan ang maluoy ni Sergio tungod sa grabeng paghilak niini tungod sa nagkaduol na nga panagbuwag nila ni Marimar. 

Sa Coffee Prince, magkauli na sila Arthur (Gong Yoo) ug Andie (Yoon Eun-Hae). Mapugngan pa kaha nila ang tinouray nga pagbati nila sa usag-usa?

Inarte ni Ara, grasya ni Diana

Kung nakahuwat lang si Ara Mina ug wala kini nagdali dali sa og dawat sa role nga kontrabida sa giingong wala mo-rate nga usa ka afternoon soap drama sa Dos, matud pa mas hugyaw unta ang iyang role sa bag-ong primetime drama sa GMA-7 nga Babangon Ako’t Dudurugin Kita.

Tsika sa PangMasa bisan bida niini sila si Yasmien Kurdi ug Angelika dela Cruz, importante ang role nga para unta kang Ara   pero karon nahatag  kini ngadto kang Diana Zubiri.

Segun pa, nga suwerte kaayo si Diana tungod kay kun hapit na mahuman ang  Zaido: Pulis Pangkalawakan masundan dayon og laing  primetime show.

Niining higayona kay dili na telefantasya o action-adventure ang himoon  ni Diana kung di lunlun drama na.

Matud pa sa usa ka tawo nga close ni Diana malipayon kaayo ang sexy star karon kay gitagaan gayud kini sa GMA-7 og bag-ong show ilabi na nga wala na kini costume. (Sanden J. Anadia)