Adios Heath Ledger…

Drug overdose ang gitin-aw karon nga hinungdan sa kamatayon sa Australian Hollywood actor nga si Heath Ledger, kinsa  Oscar 2006 nominee for Best Actor sa halandumon, kontrobersyal ug gikagubtang pelikula, Brokeback Mountain. Kini human, mapalgi ang ubay ubay usab nga pills duol ra sa iyang hubo ug patay’ng lawas sa iyang Soho apartment/residence sa New York City mga 3:30 PM Tuesday, January 22, 2008.

Ubay-ubay na og pelikula ang 28-anyos nga gihulgway nga “gifted actor,” apan mas naila siya sa pelikula Brokeback Mountain pares ni Jake Gyllenhaal. Lakip sa mga proyekto ni Heath ang “The Patriot,” kauban si Mel Gibson, “Monster’s Ball,” “The Brothers Grimm,” “Casanova” ug “Ned Kelly.”

Kasamtangan siyang bida sa pelikulang “I’m Not There.” Gitakda unta siya nga modala sa papel nga Joker sa sunod nga Batman film.

Dunay 2-year old daughter si Heath kang Michelle Williams, kinsa pares niya sa Brokeback Mountain, apan nagbuwag sila adtong August of 2007.