Mibalik na pod sa shooting

Yezz, mga Manash! Balik shooting ang gihinganlan og Christian Tariman para sa Season 4 sa “Tres Metros” As a matter of fact, gipakita na siya sa last shooting day sa Season 3 niadtong Thursday, January 10. Wa sad hinoon sila magdugay si Greg Lawas, ug nananghid silang daan ni direk Pepe Tariman, kay duna kono sila’y racket pagka gabii. Nasayod na man ta, nga mga models na man ni sila si Greg Lawas ug Christian Tariman ni Marlon Wafer so, atong gabii sa January 10, diha sila sa malapalasyong tahanan ni Marlon Wafer para sa rehearsal, kay may mga racket sila atol sa kasaulogan sa Piyesta Senyor. Gani, didto sad sila sa M. Lhuillier kay gihashasan ang ubang mga models ni Marlon para manghatag og mga samples sa mga produkto sa M. Lhuillier Food Products. Ayaw’g kalimot, dili kay prenda-hanan ra ang M. Lhuillier karong mga panahona, may mga food products na sila, dugay na. Remember, usa sa kawani sa marketing division sa M. Lhuillier mao ang former finalist sa Ginoong Mandaue nga si Michael Roma [pero dili na puede mag-model, kay dako dako na kaayo].

Balik ta sa shooting ni Christian sa “Tres Metros,” kadto konong take niya sa January 10, establishing shot lang kono to. Para ma-establish nga naay usa ka may pagka Koreano og dagway sa Season 4 sa “Tres Metros,” kay sa Season 4 diay kono, dunay tulo ka may pagka Koreano og dagway nga molugwa pero ambot, wa pa ko masayod unsa gyo’y ilang role.

Pero sa paglugwa unya ni Christian Tariman nasayod ko nga may mga balhiboon og dila nga mo-intriga. Basin kono unya’g magkabalik sila si Che Che ug si Christian nga, may boyfriend na raba kaha si Che Che nga gihinganlan og Tengtang Tolentino [as in relative sa tag-iya sa Castle Peak Hotel, maam Trixie Tolentino]. Ayaw mo’g kabalaka mga Manash, kay hugot ang saad ni Che Che nga dili ug dili na gyod niya ilisan si Tengtang Tolentino ug wa gyo’y balikay nga mahitabo nilang Christian. Besides, mga Manash, nakadungog kong buhian na ni direk Pepe si Che Che, kay molugwa man sad si Che Che sa bag-ong TV series ni direk Ricardo Feliciano, kay dili man gyod uyon si direk Pepe sa usa ka artista nga molugwa sa laing TV series, unya motikang pod sa “Tres Metros.” So, dili na magka kauban sila’s Che Che ug Christian Tariman. By the way, what happened to Junjun Tariman, kadtong gikaribal ni Christian over Che Che? Well, gipasagdan na lang sa amahan nga si direk Pepe Tariman nga motikang sa laing hagdanan. Misuway og laing trabaho, ug matod pa’s amahan, mas maayo sad konong makatilaw og laing agawon.