Jennylyn “lagare” bisag mabdos

 The show must go on gihapon para ni Jennylyn Mercado bisan og duha ka buwan na siyang mabdos. Miabot kagahapon , January 21, ang Asian action star nga si Jacky Woo alang sa pag-promote nila sa ilang pelikulang “Half-Blood Samurai,” nga ang nauwahi usab ang producer.

Nagustuhan ni Jacky ang pagbuhat og pelikula dinhi sa Pilipinas  kay iya mang nakita ang kabuotan ug kamaayo sa mga artistang Pilipino, gani pipila na pud ka pelikula ang iyang namugna dinhi sa nasud.

Si Jennylyn Mercado ang gipili ni Jacky nga leading lady sa “Half-Blood Samurai” ug wala ra pud kini na-apektuhan sa dihang niabot kaniya ang balita nga mabdos na si Jen kay human na ang mga eksena ug ipagawas na ang pelikula sa Pebrero 2008. 

Samtang ania sa nasud, mo-guest sila si Jacky ug Jennylyn aron pag-promote sa pelikula nga giapilan pud nila ni Gabby Eigenmann, Paolo Paraiso, Nina Jose, Pocholo Montes, Yoshuke Natsuki inubanan sa ispesyal nga partisipasyon ni Cesar Montano, sa lain-laing salida sa GMA-7 ug QTV-11.

Dennis nameligro karong tuiga

Bisan og medyo makapanimbawot sa balhibo ang panagna sa career ni Dennis Trillo karong 2008, wala gihapon kini nakatandog sa matinee idol. Sumala sa usa ka episode sa Mel & Joey, gitag-an sa usa ka mananag-an nga mamahimong “shaky” o talandugon ang career sa multi-awarded actor karong tuig sa ilaga.

Matod ni Dennis nga nakugang siya sa tag-an kaniya, pero wala kaayo kini niya panumbalinga apan isipon niya nga usa ka pahinumdum, ug labaw na nga iyang ayuhon pag-ayo ang iyang trabaho.

“Hindi naman natin dapat isipin na parang ganoon na nga ang mangyayari. Mas maganda siguro na gawin natin ang lahat ng magagawa nating maganda para mapabuti ang trabaho, di ba?”

Malipayon si Dennis sa pagsud sa 2008. Sa pagkakaron pa lang niya pa daghan na kaayo og mga saad nga proyekto para kaniya.

Karong Pebrero, moadto si Dennis sa Las Vegas, Nevada, ug sa duha ka siyudad sa California  alang sa iyang concert para sa GMA Pinoy TV, kauban niya sila si Jolina Magdangal ug Yasmien Kurdi.

Nalipay pud si Dennis kay karong tuiga niya pa madayon ang pelikula diin makauban niya ang iyang “igsoon” (pareha sila og manager) nga si Marian Rivera.

Pero hangtud karon  naghandum gihapon si Dennis nga mabuhat niya  ang iyang dream role. Mitug-an siya nga dugay na niya nga gustong  modala og papel nga usa ka offbeat, usa ka role nga  layo sa iyang clean, boy-next-door nga imahen karon.

Gipangumusta pud si Dennis sa iyang pagka-amahan sa anak nila ni Carlene Aguilar nga si Calix Andrea. Makita nimo ang kalipay diha sa mga mata ni Dennis sa dihang  iyang gisulti ang pagpalit niya og regalo sa iyang anak, siya gayud mismo ang nipili sa Fisher Price baby drum set alang sa iyang anak.

Maayo na ang ilang relasyon ni Dennis ug Carlene karon. Higala na sila human ang kontrobersiya niadtong niaging tuig. Amiga na lamang usab sila ni Christine.

Talents sa Stages, hataw

Sunod-sunod na ang trabaho karong 2008 sa mga talents sa Stages nga gilangkuban nila ni Christian Bautista, Sam Concepcion, Aria Clemente, ug Cheska Ortega.

Napilian si Christian isip Consumers Choice Awards’ 2007 Top Star Entertainer, aduna siya’y usa ka major Valentine show kauban sila si Erik Santos, Sarah Geronimo ug Rachelle Ann Go sa Araneta Coliseum karong Pebrero 13 titled OL 4 LUV. Ang ASAP Live ug Viva Records ang producers niini. Aduna pud sila’y tour sa US ug Canada.

Aduna pu’y kaugalingon nga musical talk show si Christian titled The Christian Bautista Show alang sa Makisig Network. Mogawas pud siya sa musical nga West Side Story nga pagabuhaton sa Meralco Theater karong 2008.

Pagkahuman og gawas sa Shake, Rattle & Roll 9, padayon gihapon ang pagka-spokesperson ni Sam Concepcion alang sa Department of Education. Mobisita gani sila sa nagkalain-laing tunghaan.

Gihuman ni Aria Clemente ang iyang debut album ubos sa Star Records human siya gipasidunggan nga mananaog sa World Championship of Performing Arts sa Hollywood. Makauban niya ang uban pud nga mananaog sa WCOPA nga sila si Raki Vega ug Reymond Sajor sa pag-tour sa Pilipinas alang sa auditions para 2008 WCOPA Team Philippines. Bag-ong nadiskubrehan sa STAGES si Cheska Ortega nga migawas sa High School Musical On Stage niadtong niaging tuig. Aduna siya’y buhaton nga album ug laing TV guestings ug pelikula.

Marian pasado kang Annabelle Rama

Daling nagkasinabot sila si Richard Gutierrez ug Marian Rivera kung diin magkapares ang duruha sa Valentine’s presentation sa My Bestfriend’s Girlfriend. Compatible ang duha sa ubang butang labi na sa pagkaon, nagsinulti-ay na pud sila og sekreto sa usa’g-usa.

Matod ni Marian, thoughtful si Richard ug pirmi siya nga pangutan-on kung unsa ang gusto niyang kan-on ug dalhan pud siya o magpapalit og paborito niya nga pagkaon sa set. Sa laing bahin nagustuhan sa aktor ang pagka-sweet sa aktres. Sa sobra ka sweet maghungitanay pa ang duha.

Unsa pud kaha ang reaksyon ni Annabelle Rama kang Marian? Gusto ba ni niya para sa iyang anak? Misulti ang madir ni Richard nga pasar si Marian ug boto siya ini alang sa iyang anak. (Julie Christy Barredo, USJR Masscomm. Intern)

Roxanne gi-“hunting” sa press

Karong gabii  ang grand presscon sa Palos ug gituohan nga mahibaw-an kung aduna bay  gitago nga insecure  si Roxanne Guinoo kang  Bangs Garcia tungod kay gitawag niya og ‘the girl’ ang leading lady ni Jake Cuenca sa TV interview niya sa miaging Domingo.

Daghan ang nahibulong gumikan kay sa  face-to-face interview nila  ni Bangs ug Roxanne sa PangMasa  okey kaayo ang duha ug misulti pa si Roxanne “okey lang ‘yun Bangs” kabahin sa  kissing scene sa young star kauban si Jake. Ug karon nausab na pud ang iyang gipangsulti sa TV interview.

Sa napatik na sa Banat Hugyaw sa miaging adlaw nga samot nga nairita si Roxanne sa dihang natabi ni Bangs nga “ex-girlfriend” ang White Castle Girl ni Jake nga gikorehian dayon niini. 

Hinuon, aminado si Bangs nga aduna na siyay gamay’ng feeling ngadto kang Jake, “hindi naman po siguro magiging ganu’n ka-intense ang kissing scene kung wala akong nararamdaman.”