28TH Cebu Pop Sungag sa mga beterano ug beterana

Tulo ka mga first-timers ang lakip sa makigtigi karong gabii diha sa New Cebu Coliseum alang sa 28th Cebu Popular Music Festival, a.k.a. Cebu Pop, nga usa sa giatangan na nga kalihukan matag Sinulog Festival.

Ang tinuig nga Cebuano songwriting competition nga gipasiugdahan sa Cebu Arts Foundation Inc. (Cafi), pinanguluhan ni Cebu First District Congressman Eduardo R. Gullas, gitumong aron mahatagan og oportunidad ang mga local artists nga mailhan dili lang sa Sugbo kun dili sa tibuok kalibutan pinaagi sa tinaguang talento sa musika.

“This is one that all music lovers should not miss. It’s something should people will look forward,” matud pa ni project director Philogene Florita dihang nahinabi sa Banat Hugyaw kagahapon.

Sama sa naandan 12 ka mga kompositor – tulo niini ang first timers samtang siyam ang regulars ug past winners – ang magtigi sa longest-running Visayan songwriting contest.

Ang tulo ka mga bag-ong kompositor nga misalmot mao sila si Jade Castro sa iyang komposisyon nga “Tuba”; Russel Alegado sa “Sugbo Paraiso” ug Niño James Bañares sa “Magkahiusa.”

Si Bañares, usa ka magtutudlo kinsa naka-3rd sa gipahigayon nga 2nd Huniño Songwriting contest nga gipahigayon sa Basilica del Sto. Niño, mipadayag sa iyang kalipay human nalakip sa Cebu Popular Festival ang iyang mugna.

Gisaysay ni Florita nga aduna’y kalahi-an ang Cebu Pop karon kung itandi kaniadto. “This is not just a songwriting contest but battle of interpreters kay puros gyud sila tanan nindot,” pasabot pa niya.

Ang mamahimong mananaog karong tuiga makadawat dili lang plaque ug cash awards, makadala usab siya og brand new motorcycle gikan sa Superior Wes Motor Trading Incorporated.

Dungan niini, paambitan usab sa bantugang University of the Visayas-Chorale ang ilang repertoire nga maoy nakapahugyaw ug naghatud nila ngadto sa kadaugan atol sa Busan International Choral Competition.

28TH Cebu Pop 12 Finalists:

1. I-TEXT KO NA LANG

Composer: Jun Cabillar

Interpreter: Jed Rosit

2. TUBA

Composer: Jade Castro

Interpreter: Jade Castro

3. SUGBU PARAISO

Composer: Russel Alegado

Lyricist: Yoojin Burgos

Interpreter: Emily Casquejo

4. ANG SUGILANON SA HANGIN

Composer: Junnie Tampos

Interpreter: Zandra Tan

5. MAMALIK MAN LANG

Composer: Engr. Bernard Gocela

Interpreter: Miles Carciller

6. KWARTA

Composer: Dennis Martin

Lyricist: Norms Tomada

Interpreter: Dennis Borinaga

7. BISAN PA

Composer: Jude Gitamondoc

Lyricist: Eugene Tan

Interpreter: Arceli Bullo

8. IKAW ANG BAHANDI

Composer: Fr. Jed Bellones

Interpreter: Robbie Bernadas

9. PAGPAKABANA

Composer: Fr. Jed Bellones

Interpreter: Japril Yap

10. PASAYLOA AKO

Composer: Jude Gitamondoc

Interpreter: Elvis Somosot

11. KARON

Composer: Jun Cabillar

Interpreter: Kim Sanchez

12. MAGKAHIUSA

Composer: Niño Bañares

Lyricist: Rex Maribao

Interpreter: Zennith Rivera

Thank you Gani and Gloria Villarojo of  SOUNDTRAXX  Production Studio