Gubat sa ABS ug GMA misamot

Gihulagway sa ABS-CBN nga dakong kataw-anan ang gipagawas nga taho sa AGB Nielsen nga nga mibisita pud sila sa mga metered homes atol sa ilang promotional activities sa Visayas ug Minadanao.

Matud sa ABS-CBN sila maoy unang mihangyo nga susihon ang maong kontrobersiya busa imposibli nga sila ra pud diay ang nag-una una.

“ABS-CBN was the one who initiated the move to clean up the TV ratings system. It does not make sense for us to call for this clean up, if we ourselves have done anything intentionally to infiltrate the panel homes of AGB Nielsen Media Research.”

Dungan niini, mihagit ang sa AGB Nielsen pagpagawas og dokumento nga momatuod sa maong pasangil.

“We understand that our questions have affected AGB-NMR’s operations,” matud sa  ABS, “but we urge them to show proof and we will investigate. We do not condone any actions that would affect the credibility of the ratings.”

Samtang ang GMA dali nga mituis sa pangankon sa ABS-CBN nga sila maoy unang nanawagan alang sa usa ka imbestigasyon may kalabutan ang rating system.

Matud sa corporate pr nga gipadangat sa GMA dinhi sa Banat Hugyaw, lima ka tuig na ang milabay dihang mihangyo sila sa AGB nga susihon nganong taas ang ilang rating sa regular TV samtang perteng mubua ra sa rating nila sa cable TV.

Dili malilong matud pa sa GMA nga ang ABS-CBN nanag-iya  o nag-kontrol sa usa ka  sikat nga cable operator sa nasud.

Hangtud matud sa GMA, wala pay aksyon ang AGB sa mao nilang reklamo lima na katuig ang milabay.