Erap movie sugdan  sa Marso

Giangkon ni direk Joyce Bernal nga nakulbaan siya para sa pagdirek sa movie nilang kanhi Pangulo Joseph Estrada ug Ai Ai delas Alas. 

Nitambong si direk Joyce sa thank you party ni Sen. Jinggoy Estrada niadtong Domingo sa Acacia Restaurant sa Greenhills, ug iyang gikahinabi si Sen. Jinggoy kabahin sa amahan niini.

Gusto usa niyang mahibaw-an ang tinuod nga Joseph Estrada, ang working habit niini, sa dili pa siya moatubang sa naulahi.

Tsika ni direk Joyce sa PangMasa gihulat na lamang niya ang  revision sa script una siya makig-istorya kang Pangulong Erap. Magsugod na sila og shooting pagkahuman sa taping sa director sa “Marimar” nga matapos na sa unang semana sa Marso.

 Bayani dili maoy misumbong ni Sunshine

Gipanghimakak ni Bayani Agbayani nga siya ang gipasabot nga higala nga nagsumbong kang Sunshine Cruz kabahin sa Brazilian model nga gibalitang babaye ni Cesar Montano.

Matud pa sa tsismis, naglagot karon si Buboy kang Bayani tungod sa pagsumbong niini ngadto sa asawa sa Boholano actor.

Pero matud pa ni Bayani sa mga nahinabi nga press, walay kamatuoran ang tanang tabi. Dili siya ang gidungog nga higala ug dili pod tinuod nga siya pod kadtong gipasabot nga gihadlok ni Sunshine nga isumbong sa asawa kung dili kini mopiyait.

Matud pa sa komedyante, mura nag mag-suon si Sunshine ug ang iyang asawang si Len-len ug kung adunay mahibaw-an ang aktres kabahin niya, sigurado gyud nga isumbong dayon kini sa aktres ngadto sa iyang misis. Hinungdan nga niya pa way kwenta ang maong tsismis.

Gipanghimakak pod sa komedyante nga naglagot kaniya si Buboy kay pirmi silang magkuyog ug sige pa gyud og binaylo-ay og text messages bisan human na ang ilang programa, “Pinoy Mano Mano”.

Wala pod siya nag-apil-apil sa problema sa mag-asawa maong wala siyay nahibaw-an sa problema nilang Sunshine ug Cesar.