Nicole ug Jeremy na!
Daghan ang nakahilak ni Jean Saburit kagahapon sa programang The Buzz sa Dos samtang masulob-on siyang misugilon sa gipangbuhat sa iyang anak nga si Nicole Anderson.
Matud ni Jean nga nagpabadlong ang iyang anak ug milayas kini sa ilang balay, ug kasamtangang nagpuyo sa karon sa panimalay ni Bianca King.
Nakaingon si Jean nga mura’g dili niya anak si Nicole nga nausab na sukad nahigala niya si Bianca. Suma pa, dihay higayon nga mi-text si Bianca ngadto ni Nicole og gihulagway siya niini og “your stupid bitch mom.”
Ug dili pa tungod sa The Buzz, nagmata lamang unta og buntag si Jean nga ang uyab karon ni Nicole mao na si Jeremy Marquez.
“Si Jeremy, ‘yung nakabuntis ng babae? Di ba matanda na ‘yun? Eighteen lang ang anak ko. Paano kung buntisin din niya ang anak ko, pakakasalan ba niya?” matud ni Jean.
Wala masayud si Jean unsay nasuk-an o nahiubsan ni Nicole, kun duna man gani, nangayo na siya og pasaylo ug nanawagan aron mopauli na ang iyang dalaga.
- Latest
