Jairus nasingitan ni Makisig
Nagmasulob-on si Jairus Aquino dihang nahibaw-an niyang ma-postpone ang airing sa Kung Fu Kids nga unta karong Enero 28 ug planong sa Pebrero 11 na, nga dili pa gyud klaro kun mahinayon ba gyud.
Okey ra man unta nga ma-postpone, pero ang gikatingkag sa dunggan sa bagets mao nga kalit lang nga adunay bag-ong serye si Makisig Morales nga gititulohan og “Utoy,” nga kon dili mausab kay sa Enero 21 na ang airing kauban pa si Mang Dolphy.
Hasta ang mga himantayon nakurat kay wala pod silay nabalitaan nga adunay “Utoy” nga gihimo si Makisig kay bound for London na gud siya kauban si Ms Sharon Cuneta para sa pelikulang Caregiver.
Pero ang tsika sa taga-Dos ngadto sa Pilipino Star Ngayon, “hindi pa kasi ready ang Kung Fu Kids, inaayos pa ang effects at dahil may mababakanteng timeslot kaya gumawa kaagad ng Utoy at kailangang bata ang bida at since maraming nabitin sa Super Inggo 1.5, kinuha uli si Makisig with tito Dolphy na umokey naman sa schedules niya ang taping days.”
So feelers lang diay si Utoy nga ang kundisyon mao nga kung nindot ang feedback ug daghang TV ads posibleng ma-extend pa, busa asa naman isingit si Kung Fu Kids? Giyera nab a gayud tali nila ni Jairus ug Makisig? Atangi!
- Latest
