Juday mingaab tungod sa Gucci bag

Perteng kutawa sa utok ni Ryan tungod kay sa kadaghan na niya’g giregalo sa iyang uyab, Gucci bag ra gyud diay ang makapadangoyngoy ni Judy Ann Santos.

“Imagine, for three years na talagang pinag-iisipan ko kung ano ang ibibigay ko sa kaniya na hindi niya nakuha noon at talagang bagay sa kaniya, e, sa bag lang pala siya bibigay, nagulat nga ako,” paambit ni ni Ryan atol sa victory party ug despedida sa Sakal, Sakali, Saklolo, kay molarga na sila karong Biyernes paingon sa US para sa premiere night nila sa San Francisco ug Hawaii.

Nagdumili si Ryan og butyag pila gayud ang tukmang presyo sa Gucci bag sa aktres pero nisulti siya nga tulo ka digit ang kantidad sa maong bag ug gitiguman gyud kini niya og maayo.

Samtang, set of fruits scent, nintendo, earphones pud ang gihatag ni Juday kang Ryan nga gikumpleto gyud ang 12 Days of Christmas.

Sarah ug Rachelle, molayat sa GMA-7

Karong Biyernes mahibaw-an ang tubag nilang Sarah Geronimo ug Rachelle Anne Go sa press launch kung tinud-anay ang tsikang mobalhin na sila sa GMA-7 human sa concert nila sa Araneta Coliseum karong Pebrero 14 , ang All For Love,  nga gi-produce sa ASAP Live.

   Naglanog-lanog ang balitang ibalhin na silang duha sa Viva Artists ngadto sa GMA tungod kay wala na matuman ang ilang mga gikasabutan tali sa Dos, alang sa career path sa nahisgutang mga champions.

Dugang taho, interesado usab sila si Sarah ug Rachelle nga mosinati sa matang sa treatment sa GMA-7, for a change.

Nadine hoping nga ma-“Dyesebel”

Si Nadine Samonte na ba ang bag-ong “Dyesebel?” Kung paminawon sa GMA-7 ang petition sa mga fans ni Nadine, gusto nila nga ang idolo nila ang modala sa lain  pang  Mars Ravelo novela.  Welcome niini si Nadine tungod kay sa bata pa siya, gusto na gyud niyang molangoy, ug gusto pod niyang mamahimong Dyesebel.  Gani asoy niya ngadto sa PangMasa malipayon kaayo siya niadtong midala sa papel sa usa ka serena sa episode nga “Alamat Ng Sirena” sa “Mahiwagang Baul” sa GMA-7.

Niya pa, nag-enjoy kaayo siya sa taping sa maong proyekto, ug para niya gayud ang “Dyesebel,” dream-come true kini para kaniya. Pero dili ganahan mag-expect  ni Nadine ilabi na nga ang iyang gikatagaan og pagtagad karon mao ang taping nila sa “Maging Akin Ka Lamang,” diin kauban niya silang Polo Ravales, Isabel Oli ug Carlo Aquino nga pare-parehong first time niyang makauban sa direksyon ni Gil Tejada ug matan-awan na sugod sa Enero 21.

Claire nataypan ni Carpenter, Imelda

Papin donya na!

Samtang nagrecording si Claire Dela Fuente sa Los Angeles, midu-aw sa studio ang iyang kumare ug amigang si Imelda Papin nga nagbase na karon sa Enciso, California. Ang nahisgutang lugar suma pa sa PangMasa, sikat isip lugar sa mga billionaires ug multi-millionaires.

Sa usa ka dakung balay sa Enciso nagpuyo silang Imelda ug ang iyang billionaire boyfriend (gidungog nga kasal na ang duha), ang Pinoy-American nga si Oscar Parel.

Dihang nakalibre si Claire gidu-aw pod niya si Imelda sa Enciso. Sa kadako sa balay nilang Mel ug Oscar, aduna kini elevator nga murag usa ka building.

Gisuroy sa mayordoma si Claire ug gipakita kaniya ang nindot nga swimming pool ug tennis court. Sa States, para makabaton og tennis court, kinahanglan dako gyud kaayo ang imong  property.

“Kung si Richard Carpenter na nakita ko din ang bahay at super rich na, walang sariling tennis court. Dumarayo pa siya sa ibang lugar para maglaro ng kanyang favorite sport,” matud pa ni Claire.

Donyang-donya na gyud ang pamati ni Imelda didto ug sigurado nga panagsa na lang kini mouli sa Pilipinas. Ang iyang gikalingawan karon mao ang pag-concert sa nagkalain-laing States sa America.

Richard Carpenter, pasidunggan sa  ASAP ‘08

Certified billionaire si Richard Carpenter, sikat sa Carpenters songs diin ka-duet niya ang iyang igsuon nga mipanaw na, si Karen Carpenter. Sa mga royalties lang, nga padayong gidawat ni Richard, milyones na (in U.S. dollars) ang iyang makolekta, bisag magsige na lang sila og dula’g tennis, magpadayon gihapon og abot kaniya ang mga check payments.

Matud pa sa usa sa labing suod ni Richard, mobalik na sa limelight si Richard Carpenter tungod kang Claire. Dihang gi-record sa Pinay singer ang “Something In Your Eyes” nga original composition ni Richard, nagustuhan sa composer / pianist ang performance ni Claire.

Mao kini ang carrier single ni Claire sa iyang comeback album nga ipagawas sa Viva Records. Nakatando pod ni Claire nga mo-anhi sa ‘Pinas si  Richard  aron motambong sa album launch.

Ang highlight sa launching sa CD ni Claire kay ang pagtukar sa piano ni Richard samtang gikanta niya ang “Something In Your Eyes.” Misugot pod si Richard nga adunay ipahigayon nga tribute kaniya ang ASAP, Sunday noontime show sa ABS CBN. Sa nahisgutang himoong special portion sa show karong Pebrero, kantahon sa mga stars sa ASAP ang Carpenters hits.

Ang finale sa nahisgutang tribute, mao ang pagkanta ni Claire sa “Something In Your Eyes”, samtang si Richard Carpenter ang naa sa piano.

Niadtong gitanyag kang Richard ang nahisgutang guesting niya sa ASAP, mao ni ang iyang gitubag, “How can I say no to such great honor they are giving me.”