Rakrakan sa Sinulog!

Human sa Pasko ug pag sugat sa Bag-ong Tuig, karon ang Sugbo busy na usab sa pagpangandam sa umaabot nga Sinulog 2008 nga gitumong alang sa kapistahan sa atong pinalangga nga patron sa Sugbo, Señor Santo Niño.

Ang mga kadalanan napuno na sa mga maanindot nga mga dayan dayan ug adorno sama sa colorfull bandaritas, streamers, posters, etc., nga sigurado jud ganahan ang makakita niini. Busy napud ang mga negosyante mapa dako o gagmay man nga negosyo sa pag display sa ilang mga produkto.

Syempre aduna na usay mga nakahan-ay nga mga nagkadaiyang kalihokan para kalingawan sama sa mga concerto kung diin mupasundayag ang mga talento sa Sugbo. Pipila sa mga highlights  karon semanaha mao ang bag-o lang nahuman niadtong Lunes, Enero 7 nga “HuNino Song Writing Contest”. Karon sad nga umaabot Huwebes Enero 17, mao pud ang Miss Cebu 2008 Beauty Pageant diha sa Waterfront Hotel Lahug. Tungod niini grabe pud ang pagpangandam ana sa mga rockistang Bisaya kay ang “Bisrock All Star” mupasundayag pud sa mga kanta nga nalakip sa “Nasud Ko” album atol unya sa maong indigay sa kaanyag.

Maisip namo kini nga dakong responsibilidad o hagit kay 1st time jud kini sa Bisrock nga mupasundayag sa bag-o o lahi na pud nga klase sa arena. Lahi ang crowd nga dili makita sa mga typical rock concert. Maong matawag namo kini nga usa sa mga importante ug maayong dagan sa Bisrock scene karon nga dili jud basta basta e baliwala lang ug angayan jud kini pangandaman.

Sunod semana adunay dako kaayo nga Bisrock concert nga mahitabo sa Sugbo, para sa kumpleto detalye atangi ninyo tanan dinhi sa “Bisrock Rakrakan” sunod Biyernes Enero18.

Pit Senyor mga Bisrockers...