January 8, 2008 | 12:00am
Paminaw mo, mga Manash! As usual, mga BISDAK lang gihapo’y atong hisgotan, bisan pa’g dunay mga senior citizen dihang moingon, “bakit pinalaki mong bisaya ang apo ko?,” kay kun wa tay pagmahal sa atong kaugalingong nataran, ug kanunay lang tang mahigugma sa mga imported, unsaon man nato sa paglambo, nga sa tinud-anay lang, pwerte man gyong daghanang mga talented nga mga BISDAK, di ba, mga Manash?
So, kay ang among salidang “Tres Metros” mag-celebrate na man sab sa second anniversary karong February 27, hisgotan nato ang gitakda namong program. Usa ani, ang pagpanghatag jud og mga loyalty awards ngadto’s mga artistang nakalahutay namo, ug nakaagwanta sa among batasan ni direk Pepe Tariman aside atong gihisgutan nako two weeks ago nga si Cely Halang. Mga nominees pa jud ni sila, ha, mga manash? Di pa jud ko sure kinsa ani nila’y makadawat sa award. Ambot duna ba sa’y gitawag og “Pasaway Award,” kay duna baya sab mi pipila ka mga kaubang mga pasaway sama pananglit sa gidili sa pag-inom during sa shooting [unya maka-afford pa’g tunol sa baso sa among director nga ang director maoy nagpatuman sa balaod sa network-ka imagine mo, mga manash?], or kanunay’ng ma-late nga way shooting nga mahimo, kay usahay naa gyod siya sa hapit tanang esena [kun inyong makita sa photo, naay usa diha sa tulo nga wa, wa jud maka join sa pictorial], ug usahay pa jud, modawat og mga shows bisan schedule sa shooting.
So, kanang tulo nga naa sa photo, sila’s Greg Lawas, Allan “George” Castro ug Armand “Ramil” Castro, mga nominees sab ni sila. Ang wa ma-nominate sa “Loyalty Award,” adto ibutang sa Pasaway Award.
