Gimik o Totohanan?: Pacman may mystery girl

SEEN: Kumakalat sa Internet ang mga litrato ni Manny Pacquiao na kuha sa isang bar sa The Fort. Sweet sa litrato si Manny at ang mystery girl na hindi kita ang mukha. Selosa si Jinkee Pacquiao. Hindi magugulat ang PSG (Pilipino Star Gossip Group  kung pagselosan ni Jinkee ang babae na kasama ni Manny sa litrato na panakaw ang kuha.

 Bukas ang pahina ng PSN sa paliwanag ni Manny tungkol sa mga litrato na kumakalat sa Internet. May kinalaman ba ang babae na kasama ni Manny sa paglitaw ng mga litrato kaya sinadya niya na huwag ipakita ang mukha o wala itong ipinagkaiba sa mga larawan noon ni Gretchen na kumalat din sa Internet pero nabuko na bahagi ng publicity gimmick para sa isang produkto na ini-endorso ng aktres? 

SCENE: Si Nancy Castiglione ang cover girl ng bagong issue ng Maxim magazine. Noong isang taon, naging cover girl din si Nancy ng maraming magazine. In demand si Nancy sa mga magazine pictorial ngunit wala naman siyang project, sa TV man o pelikula. Hindi nakatulong kay Nancy ang mga magazine cover dahil matamlay pa rin ang takbo ng kanyang showbiz career.

SEEN: Tulad ni Nancy, walang direksyon ang career ni Gabby Eigenmann. It’s about time na mag-isip-isip si Gabby kung ipagpapatuloy pa niya ang pag-aartista o mag-isip na lamang siya na magtayo ng negosyo. Kailangang tanggapin ni Gabby ang katotohanan na hindi niya maaabot ang narating sa showbiz ng kanyang ama at ng kapatid nito, sina Mark Gil at Michael de Mesa.