Britney mipa-opaw sa iyang ulo

Nahimong lain na nga Britney Spears ang mitumaw human niya opawi ang iyang ulo didto sa usa ka salon sa Tarzana, California niadtong Pebrero 17. Ang lahi nga tupi sa singer mihaom  sa pagsulod-gawas niya sa rehab; temporaryong pagkawala sa pag-atiman niya sa iyang mga anak ug sa pagpakita og daghang salawayon nga performances sa  MTV Video Awards.

Rosie miundang sa iyang show

Human  sa dagkong ratings nga nakuha sa iyang show uban ni Donald Trump, si Rosie O’ Donnell mibiya isip moderator sa The View human sa televised showdown uban ni Elisabeth Hassel Beck niadtong May 23.  Ang comedian mibiya sa maong show tulo ka semana sa wala pa mahuman ang iyang kontrata.

Chris Benoit’s murder-suicide

Ang bituon sa WWE nga si Chris Benoit mitapos sa iyang kinabuhi human siya naghikog niadtong June 24 human niya patya ang iyang asawa ug ang iyang 7 anyos nga anak. Ang mga awtoridad miimbestiga kung wala ba kaha nasobrahan sa testosterone ang wrestler nga makahatag og bayolente nga reaksyon sa motumar niini. Samtang ang World Wrestling Entertainment chairman Vince McMahon miingon , “ There was no way of telling this man was a monster .’

Isaiah natangtang sa Grey’s

 Mga buwan kapin human si Isaiah Washington migamit sa homphobic slur sa Grey’s Anatomy mitambong kini  og mga counselling, dihang representante sa ABC mianunsyo niadtong Hunyo 7 nga ang kontrata sa aktor wala na ma-renew. Pero si Washington wala mohimo og apology, uban sa iyang pulong, “ I’m mad as hell and I’m not going to take it anymore.” Human sa iyang pagkatagak, nabalik siya sa Bionic Woman sa NBC.

Owen Wilson misuway paghikog

Nailhan na sa iyang ka maayo mo komedya, si Owen Wilson nadala sa tambalanan niadtong Agosto 26 human misuway siya paghikog.

Lindsay: Gikan sa rehab balik sa pagka-sikop

Onse ka adlaw human sa iyang pagbiya sa 45 ka adlaw sa rehab, si Lindsay Lohan gidakop sa mga polis human kini nag-drive nga nakainom. Niining higayona, nakuhaan siya og cocaine sa iyang bulsa. Tungod niini , miagi na usab siya og laing counselling sa Cirque Lodge sa Utah. Natanggong siya sa prisohan sulod sa 84 minutos.

Paris gipabalik sa prisohan

Niadtong Hunyo 4, si Paris Hilton gidala didto sa Century Regional Detention Facility tungod sa nahimo niyang mga violations. Human sa pipila ka adlaw gibalhin siya sa home detention; samtang human sa pipila ka-adlaw  si Judge Michael T. Sauer mipabalik sa aktres sa Lynwood, California Jail aron sa pag-kompleto sa iyang sentensya. Nahuman ang iyang kalbaryo sa prisohan niadtong Hunyo 26.

Kamatayon ni Anna Nicole

Bisan sa kamatayon ni Anna Nicole (gikatahong aksidenteng na-overdose sa tambal) niadtong Pebrero 8, nagpadayon lang gihapon ang pagduda sa kamatayon niini. Kinsa ang amahan ni Dannielynn? Legal ba ang iyang kaminyuon ngadto ni K. Stern? Uban sa nagpadayong imbestigasyon, si Larry Birkhead mipamatuod isip amahan sa bata niadtong Abril 10 ug sa Setyembre sa pagsaulog sa unang birthday ni Dannielynn. Karon ang iyang psychiatrist gisukitsukit mahitungod sa over prescribing of pills.