Carlene Aguilar magpakahilom na

Misaad na si Carlene Aguilar nga dili na siya moistorya kabahin sa away nila ni Dannis Trillo.

Mahitungod sa 50 kiyaw nga child support nga iyang gipangayo gikan kang Dennis  ang isyu.

Gituohan nga modugay ang maong isyu apan masulbad ra kini sa duha.

Say pa ni Lolit Solis, “ Tingnan natin kung mapanindigan ni Carlene ang kanyang promise na manahimik na siya itsurang wala ‘yon sa karakter niya na palaban at palaging may magandang sagot sa mga isyu.”

Isyu ni Sunshine Cruz ug Cesar Montano nahilom

Mihilom na ang isyu kabahin sa panagbuwag nila ni Cesar Montano ug Sunshine Cruz gumikan kay nakatabang ang desisyon ni Cesar nga angkunon ang tanan niyang sala.

Dako ang posibilad nga magkabalik ang duha  kay kung naglisod sila sa ilang sitwasyon mas maglisod unya ang ilang mga anak nga wala’y kalibutan sa mga panghitabo.

Kahinimduman nga nagbuwag ang duha niadtong Disyembre 25 tungod sa isyu nga miiring-iring si Cesar sa usa Brazilian Model nga si Marianna del Rio .

Organizer wala bayri ni Jinky Pacquiao?

Murag nahilom na ang kampo ni Manny Pacquiao. Wala nay balita mahitungod niya sukad nagsugod ang Metro Manila Film Festival.

Dedma lang gihapon si Jinkke Pacquiao sa reklamo sa usa ka event organizer nga giingon nga wala mabayari ang serbisyo nga gihatag niini sa 1st birthday sa ilang anak ni Manny .

 Maabot kaha ngadto sa korte ang reklamo sa event organizer o piyungon lang ang mga mata niini nga bayran ni Jinkee ang balanse sa hugyaw kaayo nga birthday party sa ilang anak?

Baron mao ray makatabang sa iyang kaugalingon

Mihatag og tambag ang manunuwat nga si Lolit Solis ngadto sa kanhi housemate sa kasamtangang PBB  nga si Baron Geisler. Matud ni Lolit nga iyang nahibaw-an ang taho kabahin sa pagkahubog og maayo ni Baron sa PBB,busa matud pa niini nga ang iya lang kaugalingon ang makatabang kaniya sa iyang pagka-alcoholic ug dili na unta huwaton sa aktor ang posibildad nga makaangkon og sakit sa atay gumikan sa sige’g inom og mga alcoholic drinks.

Pelikula ni Manny gilangaw?

Adunay mi-tsika kang Cristy sa PangMasa nga mitan-aw og Resiklo sa miaging gabii, daghan sila ang mitan-aw, pero kasagaran nila wala makapuno sa gamayng nanan-aw niini.

Adunay miingon nga sayang ang maong pelikula ni Senator Bong Revilla nga wala kini makaangkon og nindot nga ranking sa nagpadayong MMFF sanglit makalingaw man ang maong pelikula.

Samtang ang pelikula ni Manny Pacquiao nga Anak ng Kumander kay gilangaw usab. Matud sa amigong madyikero ni Cristy “Ate, mukhang punumpuno ang sinehan, a?’ komedya sa maong moviegoer ngadto sa tiketera sa sinehan diin gipasalida ang Anak ng Kumander. Tubag usab sa tiketera , “ Wala ngang nanonood eh, ei!”.

Nangiwit karon ang pelikula ni Pacman bisan pa sa giingon nga P30M pa ang puhunan niini.

Matud pa sa usa ka tinubdan, “ Nasaan ang ang thirty million na sinasabi nila? Wala kahit anino lang nun sa movie, OA naman ang sinasabi nila na thirty million ang ginastos nila dun.?

Daghan ang miingon nga naapektohan lang si Manny sa mga tawo nga kaugalingon nga interes lang ang gihuna-huna.

Matud ni Heide Lu, ang nagporma sa birthday party ni Princess nga anak ni Manny ug Jinkee nga sobra ang pagmanipula sa ubang mga tawo nga duol ni Manny, ang maong mga tawo, mao ra usab unya ang makaguba ni Manny tungod kay ila rang bulsa ang giatiman niini.   

Matud pa sa usa ka source, Isang araw e, magigising na lang si manny na ubos na ang pera niya, pero ang mga taong nakasiksik sa kanya ngayon, yun pa nag may pera!.”

Lani Misalucha gilaumang makauli sa nasud

 Kung ugaling maabot sa nasud si Lani Misalucha karong adlawa, siguradong madayon ang iyang concert para sa Metro Manila Film Festival ugma sa gabii. Kung dili siya maabot karon kini nagpasabot nga gisunod niya ang tambag sa iyang doktor.

Sa Las Vegas, kung diin siya kasamtangang nag-estar sa Flamingo Hotel kauban sa Society of seven, nadiskubrehan sa iyang doktor nga aduna’y  mitubong cyst sulod sa iyang lawas.

Ang gusto mahitabo sa doktor nga mihiling kaniya nga dalion ang pagkuha niini aron dili pa kini modako.

Daghan ang naghinaot nga tagaan og palugit ang singer sa iyang doktor nga makabalik siya sa makadiyot diri sa Pilipinas ug ipadayon ang iyang MMFF live concert.

Samtang tua si Lani Misalucha sa Manila sa miaging tuig, usa  ka sikat nga singer nga iyang higala ang mitawag kaniya.

Gawas sa sa pagka well wisher ni Lani, ang maong diva nga mitawag kaniya aduna’y susamang problema sa iyang panglawas.

Nangayo og tambag ang maong sikat nga singer ngadto kang Lani kung unsaon mamahimong isog sa pagkonsulta og doctor aron matang-tang ang unusual growth sa iyang lawas.

Naoperahan gyud ang maong diva nga nagpatabang kang Lani, pero gisekreto na lang kini ngadto sa media.