Heart wala pang project for 2008

Isasalang na ng GMA-7 ang L.U.V. Pow, kapalit ng Boyz Nxt Door  na malapit nang magtapos. Nakapag-taping na sina Yasmien Kurdi, Rhian Ramos, at Valerie Concepcion ng ilang episodes na puwedeng iere.

Ang problema, lumipat na sa ABS-CBN si Valerie, so, kailangang ulitin ang taping ng mga eksenang kasama ito. Puwede ring ipalabas ang episodes na kasama siya, kung mati-take ng Ch. 7 na pang-Sunday sa kanila napapanood ang actress at sa ibang araw ay sa Ch. 2.

Ano nga kaya ang gagawin ng Ch. 7 sa problemang ito? In fairness, nag-taping si Valerie sa show na maayos pa ang business relationship ng manager niya at Ch. 7 management.

* * *

Matutuwa ang viewers ng Marimar  na apektado sa conflict nina Marian Rivera at Katrina Halili, dahil mukhang maganda ang simula ng 2008 sa dalawa. Speaking terms na uli sila at nangyari ito sa Regal Extravanganza ng Regal Entertainment na ginawa sa Glorietta Activity Center last December 29.

Unang dumating si Katrina na nagpo-promote ng Shake, Rattle, & Roll 9  at sumunod si Marian na nag-promote naman ng Desperadas. Nang magkita, nag-“hi” si Katrina na sinagot ng “hello” ni Marian. Hindi man nagkuwentuhan, nagpa-picture naman ang dalawa at sana, simula na ‘yun nang pagiging friends nila.

Ngayong nag-uusap na sina Marian at Katrina, puwede na namin silang kausapin ng sabay sa muli naming pagbisita sa taping ng Marimar. Hindi ‘yung pati kami nate-tension sa hindi nila pagkikibuan.

* * *

Kinailangan naming kalampagin si Angeli Pangilinan-Valenciano para masagot ang tanong ng fans ni Heart Evangelista kung ano ang projects ng dalaga for this year? May aabangan daw ba silang bago nitong TV show at pelikula?

Sabi ni Angeli, dapat mapapanood si Heart sa Lobo nina Piolo Pascual at Angel Locsin, pero hindi nito tinanggap ang in-offer na role at hindi na sinabi ng talent manager kung bakit.

Hindi rin tinanggap ni Heart ang Gumising Ka Maruja, dahil ayaw nitong gumawa ng pro­ject tungkol sa mga mul­to. Wise move ang ginawa nito’t hindi muna itinuloy ng ABS-CBN ang project, dahil sa problema sa title.

May movie offer daw ito, pero under nego­tia­tion pa at premature pang isulat. Nabanggit noon ni Heart na gagawa siya ng movie sa Star Cinema at Regal at hanggang doon pa lang ang tsika’t wala pang detalye.

Kaya sa TVC ng dala­wang bagong product endorsements muna mapapanood si Heart, habang namimili pa ng TV offers.