SSS posibleng ma-best picture sa MMF

Kang Alfie Lorenzo nahibaw-an sa PangMasa nga sa wala pa ang Pasko, miadto na sa Anilao, Batangas sila si Judy Ann Santos ug Ryan Agoncillo . Pero sa Manila na sila nagsaulog sa ilang Christmas ug New Year. Hilom ang Holidays ni Juday kay naguba ang iyang cellphone nga text lang ug dili pwedeng matawagan. Nagpasalamat usab ang duha sa tanang nanan-aw sa  Sakal, Sakali, Saklolo nga matud pa box-office reports, dako ang posibilidad nga mamahimong Best Picture sa MMF awards night karong Sabado, Enero 5 sa SMX Convention  Center  sa Mall of Asia. Dili pa ikompirma ni Alfie Lorenzo kung madayon ba ang premier showing sa SSS didto sa USA.

Sugdan na ang pag-shoot ni  Juday sa Ploning, usa ka digital film nga gi-direk sa iyang best friend nga si Dante Garcia ug I-shoot kini sa Cuyo, Palawan. Samtang si Ryan Agoncillo padayon usab ang shooting sa pelikula nga diin makauban niya ang iyang mga idolong komedyante nga sila si Dolphy ug Vic Sotto ug ubos kini sa direksyon ni Tony Reyes.

Samtang malipayon usab ang Regal Entertainment sa box –office returns sa Desperadas dihang miabli kini niadtong Enero 1 tungod kay gilinyahan gyud sa mga tawo ang pagka-kikay nila ni Ruffa Gutierrez, Rufa Mae Quinto, Iza Calzado ug Marian Rivera.

* * *

Kris Bernal giilogan og duha ka lalaki

Murag ang mahimong problema ni Kris Bernal karong tuiga mao ang iyang lovelife. Sa pagkakaron duha ka mga lalake ang nagsunod kaniya. Kini mao sila si Aljur Abrenica ug Marky Cielo nga parehong magkauban sa Zaido ( Pulis Pangkalawakan) sa GMA.

 Matud pa nga mura na og na-develop si Marky kang Kris ug sige na kini og bisita sa ilang balay nila ni Kris sa Quezon City. Samtang si Aljur, gihugon-hugon nga adunay mutual understanding ang duha apan dili sila seryoso.

“Ang haba-haba ng buhok ni Kris , hu!. Dalawang lalake ang nakapaligid sa kanya, in-fairness, mukhang serious si Marky kay Kris. Kahit sa taping nila sa Zaido, maalaga si Marky. Mukhang feel naman ni Kris si Marky. Kinikilig ang loka kapag sobrang sweet sa kanya si Marky,” matud pa sa usa ka source.

Sa pagkakaron walay problema ang tulo sa set sa Zaido. Apan adunay nakabantay nga murag nag-selos na si Aljur kang Marky, matud pa nga usahay dili motingog tibuok adlaw si Aljur ngadto kang Marky kay iyang nahibaw-an nga suod ang duha.

 Adunay hugon-hugon nga adunay chance  nga magkarelasyon sila Kris ug Marky tungod kay caring si Marky sa aktres atol sa set sa Zaido.