Shaina ready na sa bigating roles

Napakaganda ng feedback para sa first directorial ng news reporter na si Cesar Apolinario. Bukod sa sinasabing very promising siya as a director, magbibigay daw  ng mahirap na laban ang mga artista ng kanyang movie, ang Banal produced ni Ina Alegre, sa acting awards, lalo na sina Christopher de Leon at Paolo Contis.

* * *

Bagaman at isang bagito pa sa larangan ng pag-arte, inaasahan namang susuportahan si Manny Pacquiao ng kanyang mga fans sa takilya, sa pagpa­palabas ng kanyang una ring production venture, ang Anak Ng Kumander na sana ay nilakihan na niya ang budget para sa promosyon, tutal naman ay sinabi niyang gumastos na siya ng humigit kumulang sa P30M para sa pelikula.

Ang dami namang naghintay ng Desperadas ni Joel Lamangan considering na apat na malalaking artistang babae ang topbilled dito – Ruffa Gutierrez , Rufa Mae Quinto, Iza Calzado at Marian Rivera.

Hindi mapasusubalian na marami ang intere­sadong malaman kung makakaagapay si Marimar (Marian) sa tatlo niyang co-stars, at kung tulad sa Marimar, ay hindi siya nagpatalo sa paseksihan sa pinakaseksing artista ng bansa na si Katrina Halili sa kanilang bikini showdown.

Bagaman at comedy ang pelikula, binigyan ang apat ng kani-kanilang mga moments, para mailabas ang kanilang ganda at talino sa pag-arte.

* * *

Kung may bagong mukha o kabataan na nagpakita ng potensyal sa acting sa ginaganap na  MMFF, ito si Shaina Magdayao who is both outstanding sa kanyang dalawang movies, ang Katas ng Saudi at Bahay Kubo.

Mukhang handa na siyang sumabak sa mga mas mabibigat na roles.

Wala ring nanood ng mga pelikula ang di nagsabing napakaganda niya, maituturing na isa siya sa pinakamaganda sa mga kabataang artista natin ngayon.

Masuwerte siya dahil napakagandang kumbinasyon nito at hindi ito karaniwang nakikita sa isang artista na magaling pero di kagandahan or vice versa.

* * *

Kung may mahigpit na makakalaban si Gina Pareño, talaga namang nagbigay ng malakas na suporta kay Maricel Soriano in the true sense of the word. Sa tulong niya, mas napalutang pa ang role ni Maria na magaling din sa kanyang role.

* * *

Happy New  Year sa ating lahat. Sana ang 2008 ay magdala ng suwerte sa atin.

* * *

E-mail:  [email protected]