Nganong hangtod ron, mosuwat gihapon  ko?

HAPPY NEW YEAR, mga manash!  Sus intawon ! Motoo ba mo nga daghan na man kaayong nangutana nako, including Sr/Supt. Carmelo Valmoria, ha, mga manash, and C/Supt. Ronald Roderos, ha, would you believe? Nangutana sila nako, kun mosige pa ba kono ko’g suwat sa BANAT HUGYAW karong 2008? JAWSHKHO! Ana ang ilang mga pangutana, mga manash?

Actually, ato pang December 24 mi nagkahimamat ni Sr/ Supt. Carmelo Valmoria,  sa mansion nilang Dave ug Laksmih sa Ward 4 sa Minglanilla [si Laksmih Rama ang apelyido, pero wa ko mahinumdum sa apelyido sa iyang bana nga si Dave], kay nag-reunion man sila, kay Canada based man ni sila’s Dave ug Laksmih, ug duna man ni sila’y Home For The Aged didto; ug kini si Senior Superintendent Valmoria, bana man sa ig-agaw ni Laksmih; ug kini pod si Laksmih pag-umangkon nako sa pag-agawan, kay ang iyang inahan, ig-agaw nako’g tagurha, pero suod kaayo.

Mao nay ilang pangutana nako, mga Manash! Mosuwat pa ba gyod kono ko sa Hugyaw sa Banat. Ambot unsay bout nilang ipasabot. Gipul-an na ba sila’g basa sa akong mga article, o ganahan sila, ug gusto pa ba silang moutingkay sa mga pages sa Banat kun duna ko’y article? Basta, ang akong tubag, nga so long as, dili pa ko makadawat og memorandum gikan sa management nga dili na ko pasuwaton, mosige pa jud ko’g suwat, kay, gawas nga mamatay ko’g wa ko’y gihimo sa balay, ganahan pa gyod kong makigkulukadidang sa mga entertainers bisa’g mga taga Manila or mga BISDAK. Tingali, ang akong kinabuhi, nia ra gyod sa entertainment ug once in a while, makigharong sad sa mga sosyal [mapugngan ba god na, kun dunay makaila nimo?].

Kay sulod sa almost 40 years ko sa natad sa entertainment [bisan sa wa pay Martial Law], ug almost 30 years as professional writer [suwat suwat og column sa Junior Carolinian sa High School, ug column sa Southwestern Quill], dili ka maboang kun all of the sudden, pahunongon ka’g suwat? Unya, kay dili man gyod ko ganahan sa mga hard news, so ari ra gyod ko sa Community, sa Lifestyle ug sa Entertainment. So,.bisan pa tingali’g makadawat ko’g memo gikan sa management nga putlon na ang akong allowance, ug di na ko pasuwaton og column [SIMVAKO]  mosuwat gihapon ko’g mga press release, kay dili man malikayang makatambong gyod ta’g mga kalihokan, di ba? Unya, mokatol man ang akong kamot, kun dili ko makasuwat. Maboang man kong maghunahuna, kun dili nako ikasuwat ang akong nasaksihan. Ingon ana, mga Manash, ang hinungdan, nganong I Love to write dinhi sa Hugyaw. Incidentally we are celebrating our second anniversary also dinhi sa HUGYAW, so, sa tanang writers sa HUGYAW…HAPPY SECOND ANNIVERSARY, ug usbon nako, HAPPY NEW YEAR ALSO. I am very, very confident, nga mas daghan pang mga fruitful years nga moabot sa HUGYAW ug sa Banat mismo.

Happy New Year kaninyong tanang mga readers, ug DAGHAN KAAYONG SALAMAT sa inyong pagsunod namo.