Nakalahutay si Che Che
Mga Manash, v-lated Merry Christmas kanatong tanan! Unya, sa sunod nakong gawas dinhi, bag-ong tuig na, meaning lain na sad nga tuig, meaning, Year of the Earth Rat, ilaga sa earth, ambot duna ba’y ilaga sa ubang mga planeta, 2008. Wow! 2008 na, mga Manash!
Pero looking back bitaw no, mga manash. Imagine sad nga karong Pebrero, duha na ka tuig ang among salidang gataytol og “Tres Metros” so, magsaulog na sad mi sa among second anniversary, di ba? Unya na nato istoryahi og kinsa na sad unya’y magpaluyo sa among second anniversary. Ang istoryahan una nato mao ang among mga artista nga nakalahutay gyod sa kadugay na namo, gawas sa tulo ka unano nga sila si, Allan “George” Castro, Armand “Ramil” Castro, Fernan “Marlon” Noval, ug ni Boyoyoy, ug sa Dos Agodos nga sila si Diosdado “Pakol” Maga, Jr., ug Estelito “Gardo” Maga. Sa tanang nangaging mga leading ladies, o mga babaye nga nakaapil sa among salida, kini ra si Cely Halang kon Che Che sa salida ang nakalahutay, bisan sa shooting or sa among mga live shows, bisan sa ka hectic sa iyang mga schedules.
Si Che Che kun Cely Halang, dili maoy among leading lady sa Season 1 ug sa Season 2. Supporting lang siya ug under observation pa. Gani, sa Season 2, dili gyod unta to siya maapil kun wa pa mohangyo si Felipe Tariman, Jr., nga si Che Che lang gyod ang padad-on sa papel sa sekretarya, kay niadtong tungora, silang duhang magsoon [Christian Tariman], nangulitawo man ni Che Che [pero sorry na lang kang Jonjon, kay si Christian ang gisugot.
Hinoon, okay ra gihapon ni Jonjon nga si Christian ang gisugot ni Che Che. Pagkahuman sa Season 2, natapos usab ang relasyon nila ni Che Che ug Christian, ug sa pagsugod sa Season 3, wa na moapil si Christian, nagsugod sugod na lang siya sa iyang modeling career kono, samtang si Che Che mao na gyod ang gikuhang leading lady sa director, ang amahan nilang Jonjon ug Christian.
- Latest
