Makahuluganong birthday ni Dionne
Si DIONNE MONSANTO nipauli niadtong December 15, Sabado alang sa pagsaulog sa iyang adlaw’ng natawhan o birthday kauban sa mga ilong tuwapos sa BATANG PINANGGA FOUNDATION sa Brgy. Triunfo, Carmen,
Adunay gipahigayon nga program diin nanganta ang mga bata. Ang mga estudyante sa DON BOSCO nga niboluntaryo sa pag abag sa maong kalihokan, mipasundayag usab og kanta, sayaw ug comical skit. Nipakita pud sa ilang abilidad sa sayaw ang mga pag-umangkon ni Dionne nga sila si Eunie, Eugie ug Micoi.
Human og paniudto, nibalik sa social hall ang mga bata alang sa mga games ug pagpang-apod apod sa mga regalo. Natapos ang kalihokan pinaagi sa PABITIN diin nalingaw ang mga bata sa pagkinab-otay
Dako kaayo ang iyang pasalamat sa mga BOSCONIANS nga gipangulohan ni teacher FAIR, sa mga DIONNESSES, DIONNE’s friends esp. Chichi, sa tagdumala sa BATANG PINANGGA FOUNDATION nga si MR. Butch Carpintero sa paghatag og higayon nga makauban sa makadiyot ang mga bata.
Hugyaw Hulagway
Wala pa gani tantong nahilom ang kontrobersiya nga namugna sa kissing scene nila ni Pambansang Kamao Manny Pacman ug Valerie Concepcion sa Metro Manila Film Festival entry, ‘Anak ng Kumander,” daw duna na poy laing tubagon nga intriga ang labing sikat nga boksidor.
Unsay buot ipasabot niining maong mga hulagway nga nagbaha sa internet kagahapon? Kinsa ang maong babaye? Tinuod ba kining maong mga eksena o photoshopped aron pagdaot ni Pacman ug pagsugnod og intriga sa emosyon sa asawa ni Pacman nga si Jinky?
Ang caption niining maong mga hulagway nagkanayon nga kuha kini sa sikat nga Embassy Bar, wala mailhi kinsa kining maong babaye.
Bukas sa tanang panahon ang pahina sa Banat Hugyaw alang sa pagpasabot sa kampo ni Pacman.
- Latest
