Young actor naghakot ng fans

Aliw ang mga reporter na nasa premiere night ng isang pelikula sa hakot fans ng young singer-actor na kasama sa cast. Masisipag sumigaw ang fans kahit sa kawawaang eksena ng kanilang favorite, pero dedma sa katatakutang eksena ng pelikula.

Ang nakakaloka, ilang eksena lang naman ang partisipasyon ng singer-actor at extra nga lang siya kung tutuusin, pero kung sumigaw ang mga fans nito’y iisiping siya ang bida. Samantalang ang fans ng bigger stars sa cast ng movie ay tamang eksena ang pagsigaw.

Ano pa kaya kung mabigyan ng mas malaking role ang singer-actor in the future? Isang truck na fans na siguro ang papupuntahin ng kanyang manager sa premiere night, para mas malakas ang impact.

o0o

Pinanindigan ng aming source na break na sina Jake Cuenca at Roxanne Guinoo, kahit ayaw pang kumpirmahin ng una. Hindi nga ba’t, kung saan-saan dinala ng actor ang kanyang sagot nang usisain ng press tungkol dito.

Hindi rin binago ng aming source ang unang iki­nu­wentong may kinalaman ang pagseselos ni Roxanne kina Denise Laurel at Bubbles Paraiso sa paghi­hiwalay nila ni Jake. Kabaligtaran ito sa sinabi noon ng actress na wala siyang pinagseselosan sa mga nali-link sa binata.        (NITZ MIRALLES)