Jessica Sojo giendorso sa Megastar?

Nabantayan nga kadaghan gi-plug ang show ni Jessica Sojo diin adunay video nga gipakita si Sharon Cuneta diin ang megastar nagkanayon nga “si Jessica Sojo, ang galing” ug kung imo kuno kining tan-awon matawag nga usa ka deretsohang endorsement  ni Jessica sa usa ka star nga kaatbang sa ilang network.

Adunay nakasulti nga edited lang kuno ang maong portion ug wala usab isulti ni Sharon nga pinakamaayo si Jessica. Imposible kuno nga isulti kadto ni Sharon ilabi na kung imong huna-hunaon taga ABS-CBN siya ug ang iyang bana kanhi news personality sa ABS-CBN. Apan kung klarohon gyud ang video makita nga gidayeg sa megastar si Jessica.

Apan dili siguro kini matawag nga kalapasan sa kontrata. Si Sharon usa ka personalidad sa chanel 2 ug dili pwedeng mag-programa sa lain. Apan isip usa ka artista ug personality pwede siyang mahimong guest sa laing programa ilabi na nga duna siya’y gi-promote nga pelikula ug cd, ug pwede usab siyang mosulti sa iyang personal nga opinyon.

Sa laing bahin, usa ka slim nga Sharon Cuneta ang miatubang sa launching sa “Isn’t It Romantic? Volume 2” album sa Sony BMG Music Entertainment sa ballroom sa Crowne Plaza Galleria Manila sa miaging adlaw.

Giklaro ni Sharon ang kabahin sa mga mikatap nga isyu nga dili siya mag-guest sa concert ni Pops Fernandez unyang gabii sa Araneta Coliseum tungod kay wala kini motungha sa iyang taping sa “Sharon” duha ka semana na ang milabay.

Matud ni Sharon nga niadtong panahona adunay sakit si Pops  ug kaila na sila sa usa’g usa sukad pa niadtong mga batan-on pa sila hinungdan nga walay mga intriga nga pwedeng makaguba nila. 

Yeng Constantino nagdaginot

Walay bongga nga party ang nahitabo sa 19th birthday sa Pinoy Dream Academy 1st winner Yeng Constantino niadtong Martes, Disyembre 4, tungod kay wala pa kuno kaayo siyay kaila sa showbiz ug labaw sa tanan nagdaginot siya tungod kay gipatrabaho niya ang ilang balay sa Montalban, Rizal.

Sa gipahigayong 1st OPM Songhits Awards sa Robinsons Galleria Cinema 5 diin midaog si Yeng og Best New Artist sobra kaayo ang iyang kalipay tungod kay sunod-sunod ang iyang blessings niini tuiga.

Ang maong OPM Songhits Awards gilangkuban sa Top 40, Most Wanted Hits, Most Requested Songs, Classics ug Pinoy Banda.

Samtang si Yeng gihapon ang mokanta sa theme song sa Sakal, Sakali, Saklolo nila ni Ryan Agoncillo ug Judy Ann Santos ubos sa Star Cinema nga gisuwat ni Annabelle Ragalado.

“Supposedly po, ako ang susulat nu’ng theme song na Habambuhay ang title, e, sobrang busy na po kaya hindi umabot sa deadline. ‘Yung kasing theme song ng Kasal, Kasali,Kasalo, ako ang sumulat at kumanta”, ni Yeng pa.

Becky Aguila miulbo

Niadtong Huwebes sa gabii gipa-preview ni  Becky Aguila ang kissing scene sa iyang talent nga si Valerie Conception ug Manny Pacquiao ug samot kining gi-high blood dihang nakita ang tibuok eksena.

Gawas kuno nga taas ang maong eksena wala na kuno kini labot sa istorya.

“Magtataka pa ang viewers kung bakit sila naghalikan while wala naman silang relasyon du’n sa story. Definitely, irrelevant ang kissing scene at nilagay lang just for the sake of it,” ni Becky pa.

Wala kuno siya pahibaw-a niini sa direktor nga si Kaka Balagtas sa maong eksena ug kong nahibaw-an lang niya sa sayo pa dili gyud niya tugotan si Valerie nga himoon ang maong kissing scene labi na nga dili gyud kini importante.

“Kasama pa ni Val ang mommy niya that day nang kunan ‘yun. Nasa van lang si Mayette at hindi man lang siya ini-inform ng direktor bilang respeto man lang sa ina,” matud sa manager.

Nimando si tita Becky sa direktor nga kuhaon ang tibuok kissing scene ug human sa taas nga diskusyon miuyon usab kini.

Gusto ni tita Becky nga makasigurado nga motuman si direk Kaka sa ilang sabot hinungdan nga gikatakdang makig-istorya sila sa producer ug bida sa maong pelikula nga si Pacman.

Rayver Cruz mi-deny

Gi-deny ni Rayver Cruz ang tsismis bahin nila ni Dianne Medina kauban niya sa Star Magic Talent.

“Barkada lang po kami. Iisa po ang handler namin. Si Dianne, parang siya po ang ate ko sa showbiz. Mas matanda po siya sa akin, she’s 22 and gusto ko naman po na kung magka-girlfriend ako, kasing age ko lang din,” matud ni Rayver.

Wala kuno siya mangita og bag-ong hinigugma labi na init kaayo ang isyu nga wala na kini paglaom nga sugton ni Shaina Magdayao kay tungod gisugot na sa actress si John Prats.

“Siguro po, kung talagang hindi kami ni Shaina, matatanggap ko naman po. Pero kung maghahanap po ako ng ipapalit sa kanya, siguro po ay hindi pa ngayon. Mas gusto ko po na mag concentrate sa career ko,” sa batan-ong aktor pa.

Padayon pa gihapon kuno ang iyang pag-panguyab ngadto kang Shaina apan tagsa nalang kaayo silang magkita tungod sa iyang laing proyekto, ang “Lobo” diin wala’y labot si Shaina.

“Pero wala naman pong nababago, nandito pa rin po ako,” dugang ni Rayver.

Magkauban silang Shaina ug Rayver sa filmfest entry sa Regal Films sa “Bahay Kubo” uban silang Maricel Soriano, Marian Rivera, Yasmien Kurdi, Mark Herras ug uban pa.

Sa gipahigayon nga presscon daghan ang naka matikod sa bugnaw nga pagtagad ni Shaina ngadto kang Rayver ug daghan ang naluoy sa batan-ong aktor.