Edu Manzano ug Bong Revilla nagkabangi

Tsirman sa Optical Media Board (OMB) Edu Manzano ug Senador Bong Revilla nagkabangi.

Ang maong duha ka mga actor ug mga opisyal sa gobiyerno ang parehong nagpakita sa ilang pagka-dismaya sa usag-usa.

Gikataho nga gitawag ni Edu nga usa ka interupsiyon ang pagkalambigit ni Bong sa ronda sa Makati Cinema Square tungod kay gawas nga wala kini makig-ayuda kaniya gidala niini ang mga nakompiska nga mga materyales sa karsada alang sa “photo-op”.

“Ang ginawa ni Revilla pinababa niya ang mga nakumpiska into the street at nagpakuha ng litrato” ni Edu pa.

Kwestiyon ni Edu ngadto ni Bong “nasaan na ba siya? Nang ako ang namumuno rito, natanggal ang Pilipinas sa priority watch list ng UN Trade representatives, bukod sa award na natatanggap ng OMB mula sa mga international anti-piracy organization”.

Si Edu mitataw nga siya ug si Bong kinsa naghupot isip hepe sa OMB una pa ni Edu adunay gikasabotan niadtong Lunes nga si Bong mokuyog ni Edu sa ipahigayong ronda sa Night Ruins nga nahimutang sa Parañaque City.

Si Bong napakyas sa pagtambong sa maong meeting apan mitungha kini sa Makati Cinema Square.

Sa bahin usab ni Bong nagkanayon kini nga “Maraming dapat ipaliwanag si Chairman Manzano at dapat magsimula ito sa biglang pag-atras niya na lumitaw sa raid. Sabi niya may sakit siya. Nakakapagtakang gumaling siya agad”.

Matud ni Bong nga misugyot siya og P1.5 milyones nga budget alang sa OMB hinungdan nga nahibong siya nganong mibuhi og mga pulong si Edu batok kaniya.