Network war, nakalimtan ni Vandolph

Walay sala si Alma Moreno sa desisyon nga ipa-exclusive ang coverage — for a fee, ha — sa GMA 7 ang kasal sa iyang anak nga si  Vandolph sa long-time girlfriend niining si Jenny Salimao.

Suma pa sa tinubdan sa PangMasa, desisyon sa manag-uyab nga ang GMA-7 maoy hatagan og exclusive right para sa coverage.

Ang kataw-anan mao nga matud pa medyo nakalimtan ni Vandolph ang network war. Mas nakalimtan ni Vandolph nga duna na siya’y umaabot nga show sa  ABS CBN, ang Palos. Labaw sa tanan, kasagaran sa ninong ug ninang nila,top guns sa ABS CBN.

Unsaon na lamang kun dili siya tungahon sa mga taga Dos, ugma puhon sa ilang kasal ni Jenny? Pak!

Jennylyn hadlok sa press

Giangkon sa handler ni Jennylyn Mercado nga gituyo gayud sa aktres nga mobiya dayon human sa press launch sa Resiklo nila ni Senator Bong Revilla tungod kay dili kini buot nga pangutan-on sa mga intriga nga naglambigit kaniya pagkakaron.

“Baka raw kasi intrigahin siya ulit ng reporters, e, hindi na niya alam kung ano ang isasagot, baka maging isyu na naman sa GMA at sa manager niyang si tita Becky Aguila.

Pwes mikomedya na lamang ang press nga angay irecycle  na lang ni Jen ang iyang mga tubag tungod kay balik balik ra man ang pangutana nga wala niya klaroha og tubag.

 Sa presscon hinuon, gihimakak ni Jennylyn ang tsika nga molayat siya paingon sa ABS-CBN sa higayon nga mo-expire ang iyang kontrata sa GMA-7 sunod tuig.

Ang makalibog mao nga namahayag siya nga kun ugaling mobalhin man siya, magtarong siya og pananghid.

“ I’ll make sure na di ko ma-commit ang mistake na naging dahilan kung bakit may hinanakitang naganap sa paglipat ni Angel (Locsin, whose talent manager is also Becky Aguila). I don’t want to burn bridges.”

Asia, hadlok manganak

Nakit-an sa Pilipino Star Ngayon si Asia Agcaoili nga naga-advance na og shopping spree sa Cosmo Park boutique, Shoppesville, Greenhils kagahapon kauban ang iyang Dutch boyfriend.

Nakugang ang PSN tungod kay disente ang packaging sa babaye pero tin-aw niini, “disente naman talaga ako kapag wala sa harap ng TV camera, simple lang talaga ako.”

Kahinumduman nga bag-ohay lamang namahayag ang Sex Goddess sa Viva Entertainment single siya pero karon niya pa, “I’m dating, exclusively dating na, I’m serious.”

Walay plano nga magpakasal si Asia tungod kay mahadlok siya nga makabaton og anak.

“I’m still young ‘no, saka na muna ang kasal at anak, enjoy muna ang life,” pasabot ni Asia.

Marian gihaylog chocolates ang direktor

Gisuwayan diay og regalo og chocolates ni Marian Rivera si direk Joel Lamangan aron dili siya pasul-obon og two piece sa iyang eksena sa Desperadas.

Tsika niya sa iyang solo presscon niadtong milabay nga adlaw mao nga dili siya komportable og two piece, hinungdan nga mihangyo siya nga magbutang na lamang og tapis.

Si Marian mao si Courtney sa Desperadas, usa ka underwear designer.

Tsika pa usab ni Marian wala musugot si direk Joel nga mantener ra ang ilang hawkanay ni Will Devaugh, kinahanglan matud pa nga passionate kini o with feelings.

Dihang gipangutana asay maayo mo kiss nila ni Will ug Dingdong Dantes, tubag ni Marian mao nga dili niya makumparar tungod kay friends na sila ni Sergio tungod sa “Marimar” busa wala na siya’y duhaduha pa sa mga eksena.

 Sa issue nga may “and” ang billing matud niya wala siya masayud niini tungod kay wala mosulti niya ang iyang manager.

Pero miuyon si Marian nga angay nga mag-una gayud ang ngalan nila ni Ruffa Gutierrez, Rufa Mae Quinto ug Iza Calzado tungod kay nag-una sila niya sa showbiz.

Kagahapon sa hapon milarga sila si Dingdong ug Marian paingon sa Las Vegas.

Marimar hangtud na March 2008

 Personal nga ihatag ni Dingdong Dantes ang Christmas gift sa iyang girlfriend nga si Karylle sa lolo ug lola niini (parents  sa mommy Zsa Zsa Padilla niya) nga tua sa Las Vegas, usa ka figurine of a church, nga gama sa mga stones and sequins.

Karong adlawa, tua na sa Las Vegas sila si Dingdong Dantes ug Marian Rivera  para sa launching sa GMA Pinoy TV diin number one na matud pa nga giatangan sa mga Pinoy sa  Las Vegas ang soap nilang “Marimar.”

Sa thanksgiving Mass and party sa “Marimar” last Friday, happy sila sa announcement nga extended hangtud March 2008 ang maong soap.

Ara lugwa sa That’s My Doc unya

Teacher ang role ni Ara Mina  sa That’s My Doc karong gabii, diin siya maoy special guest.

 Nasagap nga tsika sa PangMasa, si Ara maoy maestra ni Buching ( child star Celine Lim) ug tukion nila ni Aga (Muhlach, kinsa maoy bida) ang mga mihagba nga grado sa bata.

Si Buching pag-umangkon ni Aga sa That’s My Doc.

“I love the lessons na gustong I-convey ng sitcom,” nagkanayon si Ara. “Bagama’t ang primary purpose nila ay ang magpatawa, still my nakukuhang lessons ang manonood the subtle way.”