Akon papasok sa bahay ni Kuya

Pumasok na sa Bahay ni Kuya si Angel Locsin noong Linggo ng gabi, kabaligtaran ito sa naglabasang balita noong Lunes na hindi pa ito papasok. Anyway, sandali lang daw sa loob ng bahay ang actress, pero maraming activities ang naka-line up sa kanya, kasama ang ibang housemates.

Samantala, matunog din ang balitang papasok sa Bahay Ni Kuya (baka nakapasok na) this week ang RnB singer-composer na si Akon. Sandali rin lang ito sa loob, dahil may concert ito sa Araneta Coliseum sa November 29.

Ang clue na papasok si Akon sa Bahay Ni Kuya ay ang panay-panay na pagpapatugtog ni Kuya ng mga hit songs nito sa loob ng bahay. Hindi alam ng housemates na may makakasama silang international artist at akala’y, nagsa-sound trip lang si Kuya at ipino-promote ang concert nito.

* * *

Marami ang nagtataka kung bakit hindi na nasun­dan ang pelikula ng isang sikat na young actor. Hanggang TV lang ang kasikatan nito at mabuti’t sunud-sunod ang kanyang show, dahil kung hindi, nakalimutan na siya ng fans.

Talo siya ng mga sumunod na winners sa sinali­hang contest sa TV na nagkakabuhul-buhol ang schedule sa sunud-sunod na ginagawang pelikula. Tanging ang young actor din lang ang hindi pinapirma ng exclusive contract ng isang big movie producer.

Sa aming pagtatanong, nalaman naming kina-cast siya sa mga pelikulang ginagawa ng movie company, pero ang nangyayari’y, naaalis at napapalitan siya. “Binabaril ang pangalan niya” dahil wala raw appeal sa fans, paliwanag sa amin.

Sayang, dahil gusto pa naman ng young actor na malinya sa action, pero kung ganitong walang nagbibigay sa kanya ng break, hanggang TV na nga lang siya.

* * *

Kinansela kagabi, Monday, ang presscon ng Shake, Rattle & Roll 9  dahil hindi makumpleto ang cast ng three episodes. As we go to press, wala pang maibigay na bagong schedule ng presscon ang Regal at inaayos pa nga ang schedule ng mga bida ng three episodes.

Walang kinalaman si Dennis Trillo sa pagka-kansela ng presscon, dahil bago pa ang scheduled presscon, sinabi na nitong hindi siya makakarating dahil may taping ng Zaido. Hindi totoong umiiwas siya sa press dahil na-interview na siya at nailabas ang saloobin sa isyu kina Cristine Reyes at Carlene Aguilar.

Ang bagong isyung sasagutin sana nito ay hindi raw masaya si Carlene sa kinalabasan ng kanyang interview at ‘di makapaniwala sa inaming four months silang nag-on ni Cristine.