Nagpasalamat sa mga nang-iintriga

Belated happy birthday muna kay Mayor Toby Tiangco ng Navo­tas City  na nag-celebrate kahapon ng 40th birthday.

 Si Papa Joseph Estrada ang special guest ni Mayor Toby kaya  nabulabog ang buong bayan.

 Take note, nagtagal si Papa Erap sa lunch blow-out ni Mayor Toby kaya touched na touched ito.

 Love ni Papa Erap si Mayor Toby dahil hindi ito nang-iwan noong mga panahong nasa gitna siya ng maraming pagsubok.

 Iilan ang nakakaalam na may isang direktor na nag-offer kay Mayor  Toby na mag-artista noong bagets pa siya. Hindi tinanggap ni Mayor Toby  ang offer at hindi siya nagkamali ng desisyon dahil naging successful politician siya.

* * *

Sosyal si Manny Pacquiao dahil sa Amerika pa kukunan ang kanyang bagong Nike commercial.

Pupunta si Manny sa Portland, Oregon porke dito ang main office ng  Nike at mga sikat na sportsmen ang makakasama niya.

Bago umalis si Manny, dinalaw siya ng press sa shooting ng kanyang filmfest entry.

Laugh nang laugh ang mga reporter dahil pinasalamatan ni Manny ang mga tao na nang-intriga sa kanila ni Ara Mina. Nakatulong daw ang isyu dahil pinag-uusapan ang pelikula.

See, sa showbiz, good or bad publicity is still publicity!

* * *

Kagabi ang biyahe ni Manny papunta sa Amerika.

Masyadong hectic ang kanyang schedule dahil may taping pa siya kahapon sa GMA 7 para sa Christmas plug ng Kapuso network.

Hindi kasi siya nakasama sa unang taping noon ng Christmas music  video ng Kapuso stars.

* * *

Nag-taping ako noong Martes para sa Sweetlife at tungkol sa pagiging generous gift giver ang topic namin.

Kasama ko sa guesting si Juliana Palermo na hindi ko nakita nang matagal.

Maganda ngayon si Juliana na malaki ang ipinayat kaya lalong lumaki ang kanyang dibdib.

Masaya ang taping namin dahil puro kagagahan ang aming mga sinabi kaya laugh-to-death si Lucy Torres, ang host ng Sweetlife.

Abangan ninyo sa QTV 11 ang episode na sinasabi ko dahil siguradong matatawa kayo. O siya, ipadala n’yo na ang inyong mga opinyon sa [email protected].